فى تمام الخامسة والنصف اسمع صوت المفتاح يدور فى الباب فأستعد لتحضير الغذاء
عاملة ايه النهاردة ... ارز وقلقاس بالسلق وفراخ بانيه .. سلطة زبادى وسلطة خضراء
ياللا يابنات عشان نتغدى .. ياللا يا حبيبى
هو : ماليش نفس قوى دلوقتى ..
انا : لكن انا قلت نستناك ونتغذى سوا..
هو : اصلى مش جعان قوى
يدخل ليغير ملابسه واقوم بتحضير السفرة
ابنتى الكبرى بتحب فريق موسيقى معين وترفض ان تغنى اختها الصغرى اى اغنية من أغانيه
كأنها اشترت الفريق
ابنتى الصغرى صوتها جميل وتحب الغناء وتحفظ أغانى الفريق الأمريكى عن ظهر قلب
ولكنها تخشى ان تغنى امام اختها والا نالت عقابها بالمقاطعة والخصام
ينادى عليهما ... وقد قرر ان يحل تلك المشكلة
تعالوا نغنى سوا ..... تبدأ ابنتى الكبرى بالتحفز بمجرد ان يمسك بالسى دى الخاص بالفريق
يصر على ان تغنى الصغرى أغانى الفريق ويوصل لها المايك
ترفض الكبرى وتتقمص طبعا والخناقة على وشك الاشتعال كالمعتاد
الغدا جاهز
ابنتى الكبرى : مش واكلة
هو : عنك ما اكلتى انتى فاكرة اننها هيهمنا؟
انا (فى نفس الوقت ): مفيش حاجة اسمها مش هآكل .. دلوقتى وقت الأكل ولازم تقومى تقعدى على السفرة مع الفاميلى سواء أكلتى او ما أكلتيش ... انتى عارفة قواعد البيت كويس
هو : لأ .. انا بقول انها ما تاكلش .. اللى بياكل على ضرسه بينفع نفسه ... هى لما تاكل احنا هنستفاد ايه؟
انا : دى قواعد يا حبيبى ومينفعش نغيرها او نعاقبها على تصرفها مع اختها باننا نساعدها على كسر القاعدة
هو : طيييييييييييب ..... انا كمان مش واكل
ادارى دموعى واتجه ناحية السفرة وانا انادى الطفلتين ... نتناول الغذاء .. لا يأتى ويجلس للعب الجيمز كالمعتاد
تعالوا عشان نذاكر .... طيب كمان شوية .... عندكوا امتحانات تعالوا .... يجرون ويمرحون بلا اهتمام
انا : على فكرة انا خلصت مذاكرة من زمااااان واخدت شهادة وانا بأساعدكوا عشان تنجحوا ..
لو مش عايزين ينجحوا انا مش هأتعب نفسى ومش هأذاكر لكم الا لما تندهولى
ودخلت حجرتى ونمت لمدة ساعة (كنت تعبانة جدا طول اليوم وآلام فى ساقاى وعمودى الفقرى المنهك)
استيقظت على البنات بيصالحونى : مامى خلاص ماتزعليش احنا هنذاكر وهنجيب فول مارك
قمت عشان أعشيهم وانيمهم .. كانت الساعة بقت 8 م ودة معاد نومهم خلاص
بعد ما ناموا .... جلست بجواره وانا مليانة غضب
ايه اللى انت بتحاول تعمله ؟؟؟ وايه القيمة اللى انت بتديها للبنات وانت بتغضب على الأكل
هو: ..............................
انا : انا بأكلمك ... يا ريت ترد علية وتناقشنى .... انا معلماهم من يوم ما اتولدوا ان معاد الأكل مقدس ولازم نحترم الأسرة ونشارك بعض فى وجبة الغذا بالذات .. لأنها الوجبة الوحيدة اللى بيتاح لينا اننا نتلم حواليها
اتابع : يعنى البنت تغضب على الأكل والمفروض تتعاقب .. تقوم انت تعمل كدة برضه ؟؟؟ فين القدوة هنا؟؟؟ طيب ماهى المرة الجاية هتقولى زى بابا ... بابا مش بياكل لما الأكل يتحط
كمان لازم يبقى فى تقدير لأن مامى تعبت وعملت الأكل وحضرته ومش كل شوية هقوم احضر لحد الغذا
هو : ما عنها ما أكلت .. لما تجوع هتتعلم انها ما تعملش كدة
انا : البنت عندها امتحان ولازم تاكل عشان تعرف تركز وتذاكر وبعدين القواعد قواعد ومينفعش نعلمهم يكسروها من صغرهم .. مينفعش نعاقبها بحاجة هى بتتعاقب عليها لو عملتها ... يعنى تقول مش هآكل فنقولها ماشى براحتك ؟؟ انتى اللى هتجوعى؟؟؟ دة تفكير الكبار .. لكن الصغيرين هيفكروا انهم عملوا اللى همة عايزينه وهتفكر انها انتصرت
هو : انتى فعلا انسانة مريضة وعايزة علاج والكتب اللى بتقريها اكلت دماغك .. روحى اتعالجى وريحينا بقى
يقوم فجأة الى الداخل .... وقبل ان افيق من كلماته الجارحة .. اسمع باب الشقة بيترزع
يا خبر ... دة اصحابنا العرسان الجداد جايين يزورونا كمان ساعة
اتصل بيه .. الموبايل مقفول ... بعت رسالة ... عدى على لابوار وهات حاجة حلوة عشان مى و وليد جايين فى الطريق
(لعله يعود سريعا وفعلا انا كنت عايزة اضايفهم وكنت ناوية انزل اجيب حاجة لكن هو نزل ومش هينفع ييجوا مايلاقوش حد فى البيت)
اتصلت 15 مرة وبعتت رسالة تانية بتقول .. ما تحرجناش مع الضيوف
ولا حياة لمن تنادى
الناس جم .. وشعر الزوج بالإحراج عندما لم يجد زوجى فى البيت ونزل متحججا ان عنده مشوار
وعدى ياخد زوجته فى الثانية عشر مساءا بعدما يأس من عودة زوجى وعرفت منها انه راح قعد على القهوة
اتصلت بزوجى بعد ذهابهم .... يرد ...
انت فين؟؟؟
انا فى القهوة ...
فى القهوة بقالك 6 ساعات؟؟؟
معلش مشفتش الرسايل غير دلوقتى
ليه بقى يعنى؟؟ ... اللى كاتبة الرسالة نملة و الخط كان محتاج عدسة مكبرة؟؟
لا .. اصلى كنت قافل الموبايل وفتحته متأخر وقلت اكيد الضيوف مشيوا او اعتذرتى لهم
أنا .. لا همة جم ... وانت احرجتنى .. وكمان بتكذب .. لأن الرسايل وصلت يعنى كنت عامل الموبايل دايفرت كأنه مقفول
يعنى انت شفت الرسايل .. وما اهتمتش .. وكل اللى فارق معاك نفسك .. ومفيش حسابات لأى حد تانى .. عموما شكرا
البيت متنشن من امبارح ... ومش طايقة نفسى ... يمكن يكون له وجهة نظر فى موضوع البنت وعايز يعلمها حاجة لكن هو نفسه غضب على الأكل وبيعلمها حاجة وحشة مع الحاجة الحلوة اللى كان عايز يعلمها لها
مين بقى يقدر يقوله الكلام دة؟ مين يقدر يقنع راجل انه غلطان ؟ ... الرجالة طبعا طبعا ما بتغلطش
صحيح مخلوقات من كوكب تانى
عاملة ايه النهاردة ... ارز وقلقاس بالسلق وفراخ بانيه .. سلطة زبادى وسلطة خضراء
ياللا يابنات عشان نتغدى .. ياللا يا حبيبى
هو : ماليش نفس قوى دلوقتى ..
انا : لكن انا قلت نستناك ونتغذى سوا..
هو : اصلى مش جعان قوى
يدخل ليغير ملابسه واقوم بتحضير السفرة
ابنتى الكبرى بتحب فريق موسيقى معين وترفض ان تغنى اختها الصغرى اى اغنية من أغانيه
كأنها اشترت الفريق
ابنتى الصغرى صوتها جميل وتحب الغناء وتحفظ أغانى الفريق الأمريكى عن ظهر قلب
ولكنها تخشى ان تغنى امام اختها والا نالت عقابها بالمقاطعة والخصام
ينادى عليهما ... وقد قرر ان يحل تلك المشكلة
تعالوا نغنى سوا ..... تبدأ ابنتى الكبرى بالتحفز بمجرد ان يمسك بالسى دى الخاص بالفريق
يصر على ان تغنى الصغرى أغانى الفريق ويوصل لها المايك
ترفض الكبرى وتتقمص طبعا والخناقة على وشك الاشتعال كالمعتاد
الغدا جاهز
ابنتى الكبرى : مش واكلة
هو : عنك ما اكلتى انتى فاكرة اننها هيهمنا؟
انا (فى نفس الوقت ): مفيش حاجة اسمها مش هآكل .. دلوقتى وقت الأكل ولازم تقومى تقعدى على السفرة مع الفاميلى سواء أكلتى او ما أكلتيش ... انتى عارفة قواعد البيت كويس
هو : لأ .. انا بقول انها ما تاكلش .. اللى بياكل على ضرسه بينفع نفسه ... هى لما تاكل احنا هنستفاد ايه؟
انا : دى قواعد يا حبيبى ومينفعش نغيرها او نعاقبها على تصرفها مع اختها باننا نساعدها على كسر القاعدة
هو : طيييييييييييب ..... انا كمان مش واكل
ادارى دموعى واتجه ناحية السفرة وانا انادى الطفلتين ... نتناول الغذاء .. لا يأتى ويجلس للعب الجيمز كالمعتاد
تعالوا عشان نذاكر .... طيب كمان شوية .... عندكوا امتحانات تعالوا .... يجرون ويمرحون بلا اهتمام
انا : على فكرة انا خلصت مذاكرة من زمااااان واخدت شهادة وانا بأساعدكوا عشان تنجحوا ..
لو مش عايزين ينجحوا انا مش هأتعب نفسى ومش هأذاكر لكم الا لما تندهولى
ودخلت حجرتى ونمت لمدة ساعة (كنت تعبانة جدا طول اليوم وآلام فى ساقاى وعمودى الفقرى المنهك)
استيقظت على البنات بيصالحونى : مامى خلاص ماتزعليش احنا هنذاكر وهنجيب فول مارك
قمت عشان أعشيهم وانيمهم .. كانت الساعة بقت 8 م ودة معاد نومهم خلاص
بعد ما ناموا .... جلست بجواره وانا مليانة غضب
ايه اللى انت بتحاول تعمله ؟؟؟ وايه القيمة اللى انت بتديها للبنات وانت بتغضب على الأكل
هو: ..............................
انا : انا بأكلمك ... يا ريت ترد علية وتناقشنى .... انا معلماهم من يوم ما اتولدوا ان معاد الأكل مقدس ولازم نحترم الأسرة ونشارك بعض فى وجبة الغذا بالذات .. لأنها الوجبة الوحيدة اللى بيتاح لينا اننا نتلم حواليها
اتابع : يعنى البنت تغضب على الأكل والمفروض تتعاقب .. تقوم انت تعمل كدة برضه ؟؟؟ فين القدوة هنا؟؟؟ طيب ماهى المرة الجاية هتقولى زى بابا ... بابا مش بياكل لما الأكل يتحط
كمان لازم يبقى فى تقدير لأن مامى تعبت وعملت الأكل وحضرته ومش كل شوية هقوم احضر لحد الغذا
هو : ما عنها ما أكلت .. لما تجوع هتتعلم انها ما تعملش كدة
انا : البنت عندها امتحان ولازم تاكل عشان تعرف تركز وتذاكر وبعدين القواعد قواعد ومينفعش نعلمهم يكسروها من صغرهم .. مينفعش نعاقبها بحاجة هى بتتعاقب عليها لو عملتها ... يعنى تقول مش هآكل فنقولها ماشى براحتك ؟؟ انتى اللى هتجوعى؟؟؟ دة تفكير الكبار .. لكن الصغيرين هيفكروا انهم عملوا اللى همة عايزينه وهتفكر انها انتصرت
هو : انتى فعلا انسانة مريضة وعايزة علاج والكتب اللى بتقريها اكلت دماغك .. روحى اتعالجى وريحينا بقى
يقوم فجأة الى الداخل .... وقبل ان افيق من كلماته الجارحة .. اسمع باب الشقة بيترزع
يا خبر ... دة اصحابنا العرسان الجداد جايين يزورونا كمان ساعة
اتصل بيه .. الموبايل مقفول ... بعت رسالة ... عدى على لابوار وهات حاجة حلوة عشان مى و وليد جايين فى الطريق
(لعله يعود سريعا وفعلا انا كنت عايزة اضايفهم وكنت ناوية انزل اجيب حاجة لكن هو نزل ومش هينفع ييجوا مايلاقوش حد فى البيت)
اتصلت 15 مرة وبعتت رسالة تانية بتقول .. ما تحرجناش مع الضيوف
ولا حياة لمن تنادى
الناس جم .. وشعر الزوج بالإحراج عندما لم يجد زوجى فى البيت ونزل متحججا ان عنده مشوار
وعدى ياخد زوجته فى الثانية عشر مساءا بعدما يأس من عودة زوجى وعرفت منها انه راح قعد على القهوة
اتصلت بزوجى بعد ذهابهم .... يرد ...
انت فين؟؟؟
انا فى القهوة ...
فى القهوة بقالك 6 ساعات؟؟؟
معلش مشفتش الرسايل غير دلوقتى
ليه بقى يعنى؟؟ ... اللى كاتبة الرسالة نملة و الخط كان محتاج عدسة مكبرة؟؟
لا .. اصلى كنت قافل الموبايل وفتحته متأخر وقلت اكيد الضيوف مشيوا او اعتذرتى لهم
أنا .. لا همة جم ... وانت احرجتنى .. وكمان بتكذب .. لأن الرسايل وصلت يعنى كنت عامل الموبايل دايفرت كأنه مقفول
يعنى انت شفت الرسايل .. وما اهتمتش .. وكل اللى فارق معاك نفسك .. ومفيش حسابات لأى حد تانى .. عموما شكرا
البيت متنشن من امبارح ... ومش طايقة نفسى ... يمكن يكون له وجهة نظر فى موضوع البنت وعايز يعلمها حاجة لكن هو نفسه غضب على الأكل وبيعلمها حاجة وحشة مع الحاجة الحلوة اللى كان عايز يعلمها لها
مين بقى يقدر يقوله الكلام دة؟ مين يقدر يقنع راجل انه غلطان ؟ ... الرجالة طبعا طبعا ما بتغلطش
صحيح مخلوقات من كوكب تانى
هناك 27 تعليقًا:
احجز مكان كالعاده وارجع
وحشتيييييييينى
انا هقول الأول حمدلله عالسلامة بعد الغيبة دى كلها
ونروح نقرا ونيجى تانى
ياااااااااااااااااااااه!
حمدالله ع السلامة
أولا بعيدا عن الموضع كده فى الأول نقول حمد الله على السلامة مش صدقت الريدر لما لقيت انك كتبتى حاجة جديدة وحشتينى بجد
ثانيا بقى بالنسبة للموضوع جايز الطريقة اللى بتكلميه بيها مش الطريقة المناسبة حاولوا إنكم تتلاقوا فى نقطة يمكن على وعسى يقتنع برأيك ويعرف إنك مش عايزة غير مصلحة الكل وإن شاء الله ربنا يهديلكم الحال يارب
دمتى بكل الخير والحب والسعادة
Joudy
وحشتينىىىىىىىىىىىىى جدااااااااا
اولا احجز وارجع
جايز رايى ميكونش هيعجب حد او انى معاه
بس احنا الستات بنبقى عايزين نمشى البيت بقوانين زيادة عن اللزوم يعنى نوم واكل وصحيان بمواعيد وكل ده مترميش ورقة على الارض
متحطش ده هنا مش مكانه وبنبقى نازليين قوانين للصبح احنا عشان بنتعب فى ده فبنحب كل حاجة تبقى مظبوطة
لرجالة عكسناااااا تماما
مش عايز يحس بتقيد
هو فى اسلوبه مش غلط ولا عمل جريمة فى رده عالبنت كده عشان تردى عليه وبعدين يقوم يسيب الاكل
كنتى مشى الموضوع عادى وعديها يمكن جى من الشغل فى مشكلة عنده
هو كمان من حقه يسيطر على لبنت ويكون له دور حتى لو الدور ده انتى شايفاه غلط بس اديله فرصته معاها
خليه يحس انه مسؤل برضه مش تمحى كل حاجة عشان قوانين خلى فى استثناء
طبعا بما ان اسمى جه فى الموضوع واللى هرتبط بيه اسمه وليد فدى بشارة حلوة :)
هو معلش مكنش قصده يحرجك ولا حاجة هو بس كان متضايق ودى ساعة غضب معلش افرضى ان فى حاجة حصل وكان لازم ميكونش موجود ساعتها اتحججى بأى حاجة
المهم انا مش باجى عليكى والله لانك عندك حق وحبيبتى بس خدى الامور شوية براحة
اكيد فى حاجة مضيقاكى وهو كمان فعملتوا مشكلة مالهاش داعى حاولى تهدى الجو فى البيت كأن مفيش حاجة حصلت عشان البنات وجو الامتحان
واسفة على الاطالة ومتزعليش منى :)
طمنينا عليكى بقى ومتتأخريش
عاشقة الرومانسية
انتى نورتينى والله و وحشتينى و وحشنى التدوين
مستنية رأيك يا قمر بقى
فولتا
نورتينى ومستنية ترجعى تانى
حلم بيعافر
الله يسلمك والنور هل على المدونة اهوه
الزهرة البرية
هأعمل بالنصيحة يا زهرة رغم ان ساعة الغضب ساعات ما بنشوفش قدامنا ولا بنوزن كلامنا
حمد الله على السلامه ياقمر
معلش حاولى تتفاهمى معاه فى اسلوب مناسب وحل وسط لتربيه البنات لانهم لازم ينشئوا بينكم انتم الاتنين ويعملوا اعتبار للطرفين
وربنا يبارك لك فى بناتك وزوجك يارب
معلش بقى النت عملها معايا
(:
المهم
مش تغيبى تانى كده
مى
عجبنى تعليقك جدا .. يمكن لأنه فيه اسهاب ولفتتى نظرى لحاجات كانت غايبة عنى رغم انى فعلا عارفاها ومقتنعة بيها
كان لازم اديه فرصته فى المشاركة فى تربية الأولاد
بس على فكرة انا اللى بأعمل كل حاجة فى البيت وبأخدم الجميع بمنتهى الإخلاص والتفانى لو اقلك انه كان ساعات بيرجع الفجر لما يكون عنده شغل كتير ويتصل بية يصحينى عشان اعشيه ولو مش عاجبه الأكل كنت بأطبخله اكل غيره
دة بجد على فكرة ... يعنى اقوم اعمل مكرونة اسباجتى باللحم المفروم فى نص ساعة او بطاطس محمرة وهمبرجر مثلا وممكن شوربة كريمة بالمشروم
:)))
لكن حقيقى انا هأعمل بنصايحك اللى بأعتبها ثمينة
عاشقة الرومانسية
هو العجيبة انه سايبلى موضوع البنات دة تماما وطول عمره بيوافق على اى قواعد بأحطها او اى عقاب افرضه او هدية للمجتهدة منهم بشرط انه لا يشارك فى اى انشطة تخصهم زى النادى او الخروج او اللعب معاهم ونادرا ما يشارك لما همة بقى يزنقوه قوى وساعات بيرفض ويكسفهم
عموما انا المفروض انى اشوف رغبته فى المشاركة حاجة ايجابية فعلا
انتى وحشتيييييييييييينى جدا
الحقيقة عندما قرأت تلك التدونة
شعرت بقيمة تلك المدونة
والكتابة عن تجربة ذاتية قائمة ومستمرة مثل الحياة الزوجية يصبح بلا شط لها روافد كثيرة ومتنوعة وثرية من خلال كل حدث مختلف عن الأخر
لذلك لم أستطع أن أمنع نفسي من قراءة تلك التدوينات الرائعة والحية في حياة عائلة صغيرة لها مني كل التقدير
تدوينات
مش عايزة بوسة على الخد
انت كنت فين؟
بالهمس ولا باللمس
اسوأ داى يوز فى حياتى
كفاية تطرف خنقتونا
أحسن من العبارة الشهيرة هو كدة واذا كان عاجبك
والتدوينة الأخيرة
أحسن من العبارة الشهيرة هو كدة واذا كان عاجبك
لافوتني بالطبع أن أشير للشكل اللغوي الرائع الذي تكتبين به
تمنياتي لعائلتك الصغيرة الجميلة بالهناء والسعادة والتوفيق في كل ايامها
تحياتي
حسن أرابيسك
حسن أرابيسك
سعدت جدا بزيارة مدون كبير وعريق مثلك
تعليقك عندى وسام على صفحة مدونتى المتواضعة جدا جدا أمام مدونتك الأكثر من رائعة ةتصفحت أيضا مدونة الزميلة المدونة الجميلة أميرة جمال
يا سيدى أنتم عظماء وأثريتم عالم التدوين بأقلامكم الثرية التى تحمل معانى وأهداف قد تغير مجتمعنا تماما
حقيقى وجودك هنا شرف لى وقراءتك لتدويناتى المتواضعة تقدير كبير
اهديت البوست الجديد لحبيبة قلبي مذكرات زوجة
نورتي نورتي نورتي
تحياتي
الرجال فعلا كلهم ملايكة مابيغلطوش
واحنا يا حرام اللى محتاجين نتعالج:)
اول زيارة ليا هنا
هاقولك حمد لله ع سلامتك يا قمر
واضح انك عثولة اوى
ماتغيبيش عننا تانى يا جميلة
نيجى بقه للبوست
مش عارفة هو ليه انا شايفة انه غلط
مرتين اول مرة كنتى غلطانة
وشاركتيه ف الغلط
لان المفروض ما تبانوش قدام الاولاد
ان كل واحد منكم ف طريق وب راى مختلف
اى حد منكم كان عداها مؤقتا
لحد ما الموقف يعدى وكانت جت منك
لانه الراجل عندى بطبعه
بس شايفاه هو شجعها كان ممكن يعلمها
انه تصرفها غلط باسلوب تانى
بس ده اكيد بسبب ضغط معين عليكم
انتوا الاتنيين
تانى غلط هو غلطه لوحده لانه مش من
باب الزوق ابداااااا
انك تبقى عارف ان فيه ضيوف جايين
وتعمل كده تنطش وتنزل
وحتى لو نزلت وصلتك الرسايل ارجع
احتراما بس للراجل اللى جاى
مع مراته ده يقعد معاك
الحل بجد انكم تقعدوا مع بعض
واتناقشوا بس الاول شوفيه تعبان من
ايه ؟ زهقان من ايه ؟؟
وبعدين عاتبيه
ماتخليش الزعل يكوم فوق بعضه علشان
بعد كده بيعمل جدار حاجز مافيش
حاجة بتقدر تهده وساعتها بيكون
وقت التصافى عدى وفات
----------------
بصى يا اوختى انا بحدف طوب انا عارفانى
ماتزعليش منى لو لقيتينى عكيت
ف الكلام :(
بس حطيت نفسى مكانك ولقيتنى متنرفزة
اوى وكلامى طالع بنرفزة فسامحينى
مذكرات زوجة
حمدا لله على السلامة اولا
نورت المدونات ثانيا
رايي ان الموضوع اساسه التربية
الزوجة اتربت بطريقة مختلفة تماما عن اخينا
هى تعرف معنى قدسية الطقوس العائلية
تعرف اهمية القدوة فى حياة الصغار
تربت على الاحترام والعطاء
تزوجت من انسان كويس
ولكن اكيد اتربى بطريقة مختلفة
اكيد شاف والده بيتقمص كالاطفال ويخرج من البيت مع اى خلاف بسيط
اكيد ما حدش علمه يعنى ايه دفء الاسرة والعطاء والتضحية للابناء
وفى التهاية لا تملك الزوجة الا ان تتعامل مع ثلاث اطفال وتحايل الزوج بالرفق
لان فعلا الرجل مهما كان من سماحة لا يعترف انه يغلط فى بيته ابدا
وان الهانم هى المسئولة الوحيدة عن كل الخطاء
تحياتى
مفيش حد مبيغلطش
لا الزوج ولا الزوجة
كلنا بنغلط و نتنرفز ..
بالعكس انتي كمان بتغلطي دلوقتي لما بتطلعي اسرار بيتك برة و بتفضحي تصرفات زوجك الغير مسؤولة على الملأ
فإذا كان هو احرجك قدام اتنين .. انتي فضحتيه قدام العالم و يمكن هو ميعرفش اللي انتي بتكتبيه ده ..
انتي ترضى انه يقعد على القهوة و يعدد في مساوءك و تصرفاتك الوحشة؟
ما هو انتي كمان بشر و ليكي اخطاء ..
زرت مدونتك من فترة بالصدفة شدني أسلوبك قرتها كلها ومن اعجابي بيها ضفتها في المفضله عشان أشوف جديدها
أنقطعتي فترة زعلت وقلت خلصت ألي عندها ولكن سعدت بعودتك
عجبتني ليه ؟
أولا الأسلوب اللذيذ الي حسسني اني بتفرج علي الموقف فعلا والمفارقات الظريفة الي في الموقف (هي طبعا ظريفة بالنسبالي عشان انا أيدي في الميه هههه)
ثانيا أداني أفكار كتير عن المشاكل الي ممكن تكون بين الزوجين أشكلها واسببها تصرفات والرغبات لأني لسة متجوزتش فبدات اتعلم منها لأستفدي في المستقبل ولا أقع في أخطاء غيري
هي طبعا بتختلف من زوجين لأخريين ومن موقف لأخر ولكن في تكوين عام للفكرة
بالنسبة للناقدين بأن دي أسرار بيت فمعتقدش ان كلامهم صح لأننا لا نعرفك ولا نعرف زوجك علي المستوي الشخصي والبتالي فأنتم في المدونة شخصيات أعتبارية في مواقف قد تكون هي الأخري اعتبارية كما في القصص الواقعية
ولكن الي لازم تخدي بالك منه هو أن اراء المشاركين متاثرش علي تفكريك أو سلوكك اتجاه زوجك عندما ينتقد البعض زوجك مثلا أو يغلطة وبكده حيكون القراء بتدخلوا في حياتكم و دة ألي حيكون الغلط بعينة
أما عن مدونتك الاخيرة فوددت أن ألفت نظرك لشئ
أحيننا العند بيجعل من الرجل أي رجل مهما كان عقلة ونضوجة طفل صغير
يعني مثلا موقفة مع بنتك قد يكون هو نفسة غير مقتنع بكلامة لها وكذلك غيابة عن أستقبال الضيوف برضوا هو مش مقتنع بية وعارف ان غلط وممكن يكون متضايق من حصوله ولكن نظرا إلي أنة ممكن يكون متضايق أو زعلان منك مثبقا مثلا يخلية يعمل كده عشان يخالفك وخلاص وحتي لو غلط والدليل (وأنا كمان مش واكل) لمجرد تأييد موقف أبنتك ضدك ألي هو غلط أصلا بس عشان يخالفك وخلاص
والعكس في حالات الصفاء والرضاء وارد جدا أنه يؤيدك وإن كنتي غلط وإن كان غير مقتنع ولكن لمجرد تأيدك وإرضائلك
فيجب أن تتنبهي لهذا ولا تتخذي موقفة في هذة الحالة نهج للتربية أو للتعامل يدوم علية بعد ذلك فقد يتكرر الموقف نفسة بعد ذلك وتجدي تصرفة أصبح العكس تماما
وعلية ففي هذة الحاله يجب أن تدركي الموقف وان لا تقفي علية
يا رب أكون قدرت أوصل فكرتي بسؤ تعبيري
وفي أنتظار المزيد من أبداعاتك
متمني لك حياه زوجيه سعيدة
ظهرت (غير معرف) في المشاركة عشان معرفتش أحط اسمي وأعطي رسالة خطأ
أخوكم في الله
السقا
ستيتة
شكرا يا حبيبتى والله انتى انسانة جميلة جدا جدا ومردودة لك انشاء الله
موناليزا
همة كلهم كدة؟؟؟
:))))
انا كنت فاكرة اللى عندى بس اللى بيفكر كدة
شكرا لمرورك وتعليقك واهتمامك يا سكر
مانونا
على فكرة انا مش زعلانة خالص من كلامك بالعكس انا لما قريت البوست تانى استشعرت نفس اللى انتى قلتيه
انتى قلتى الحقيقة والصح .. كان لازم واحد منا يمسك نفسه قدام البنات
انتى صح وألف شكر بجد على اهتمامك
القدر وأنا
ايه العبقرية دى ؟؟؟ عرفتى كل دة ازاى؟؟
هو فعلا اتربى فى بيت راقى لكن الروابط الأسرية زيرو بسبب سنين طويلة فى الغربة
زوجى استغرب جدا لما كنت بأولد بنتى فى المستشفى وكل العائلة موجودة فى الرسيبشن مستنيين البيبى
قال لأختى انتوا تاعبين نفسكوا ليه ممكن تيجوا البيت ومش لازم تستنوا كل الساعات دى .. أختى قالت له وهى ماسكة كاميرا الفيديو تصور الأحداث لحظة بلحظة ... قالتله : احنا مش هنا عشان مراتك بس احنا هنا عشان فى عضو جديد فى العائلة هييجى والعائلة لازم كلها ترحب بيه وكلنا لنا حق فى هذا الطفل
كان متعجبا وليس كارها .. كان مستغرب ان الناس تعمل كل المجهود دة وتيجى عشان تستنى بيبى بتاع حد تانى لكن هو مكانش فاهم ان الحد التانى دة يبقى انا اللى هى اخت حد وبنت عم حد وبنت خال حد وبنت اخو حد وبنت اخت حد وان البيبى بتاعها عضو فى عائلة كبيرة يهتم كل منها لأمر الآخر
تحياتى على رؤيتك العميقة للأمور وتحليلك الصح مليون فى المية
الغير معرف
السقا
ألف شكر وألف تحية على زيارتك وعلى تشجيعك وعلى نصائحك الغالية
بحب اسمع نصائح الرجال لأنهم اكيد بيفهموا بعض أكتر وعادة بيقولوا حاجات صح جدا
اعدك انى اتذكر نصائحك دائما ويا ريت متقطعش الزيارة لأن عدد الرجال فى مدونتى قليل واحتاج فعلا الى المشورة الذكورية
ألف تحية وشكر
إرسال تعليق