انا فى البداية لما جالى التعليقات اللى بتقولى انى المفروض مطلعش سر بيتى وان كدة ابقى مش زوجة صالحة
واللت اللى من النوع دة ..... فى البداية اتخضيت وفكرت انى ممكن اكون بعمل حاجة غلط فعلا
جالى اكتئاب لأسباب كتيرة ... أولها احساسى انى ممكن أكون غلطت فى حق زوجى او زواجى
ثانيا .. انى مش هأكتب تانى والكتابة حاجة بحبها من زمان
ثالثا ... فى حاجات مش بنقدر نحكيها لأقرب الناس بينا لكن قدرت احكيها لناس معرفهمش ولا يعرفونى
وكان فى نوع من التفاعل مع البوستات اللى كتبتها وجالى كومنتات جميلة رفت من روحى المعنوية
طبعا راح دة كله وانعزلت عن الناس مرة أخرى
رابعا ..... لما كنت بأكتب اللى بيحصل بينى وبينى جوزى كنت بأرجع أقراه
وكنت فى كل مرة بقراه بشوفه من منظور مختلف ... وغالبا كنت بشوف حب زوجى لى حتى فى أحلك الظروف
فى عز الخناقات .. لما بعيد القراءة بلاقى كلمة فى النص بتدل على شعوره تجاهى
لما كان بيتحانق على انى نسيت التى شيرت مثلا .... عرفت لما كتبت الحكاية انه زعل عشان حس بانى نسيته
وعرفت انه كدة بيحبنى
******
كفاية تطرف فى الدين .... كرهتونا فى الدين والله العظيم ... ارحمونا بقى .... دعوا الخلق للخالق
حد طلب نصيحتك؟؟؟ حد قالك ان جوزى زعلان؟؟؟
دة لو انا حطيت اسمى واسم جوزى كمان محدش له دعوة؟ هو مفيش اى معنى لإحترام قرارات الآخرين فى البلد دى؟
كنت فاكرة المدونين حاجة تانية ؟؟ فكرتهم ناس بتفهم وبتفكر ؟؟؟ لقيت منهم التخلف والتطرف والنظرة المتدنية للمرأة
طبعا .... ست وبتتكلم .... زوجة وبتقول انها متضايقة
يا خبر .. يا خبر ..... هتلم الستات حواليها ويعرفوا حاجات وحاجات ... حاجات قلة أدب
الحب قلة أدب ... الجنس قلة أدب ... طبعا ... لما يكون دة احساس واحدة ست يبقى على طول قلة أدب
مين عرفكوا انى مسلمة أصلا ... ؟؟؟ ومين قال انى لو مسلمة يبقى المفروض متكلمش؟؟
ومين حط القانون دة؟؟؟؟ هتقولوا ... ربنا .... محصلش ... ربنا عادل ومش بيظلم عبده
عبده هنا مؤنث ... يبقى لازم تتحجم وتتألم وهى ساكتة ... يبقى لازم تاخد بالجزمة لو فتحت بقها
عيب ... عيب يا بنات تعبروا عن اللى جواكوا
كفرتونى وطلعتونى من الملة .................
هأكتب اللى انا عايزاه واللى عاجبه الكلحل يتحكل واللى مش عاجبة يرحل
شكرا يا ستيتة .... شكرا يا عاشقة الرومانسية ... انتوا رجعتونى للمدونة بإصراركوا
ألف تحية للناس الحقيقية ... واللى مش كدة طظ فيه
واللت اللى من النوع دة ..... فى البداية اتخضيت وفكرت انى ممكن اكون بعمل حاجة غلط فعلا
جالى اكتئاب لأسباب كتيرة ... أولها احساسى انى ممكن أكون غلطت فى حق زوجى او زواجى
ثانيا .. انى مش هأكتب تانى والكتابة حاجة بحبها من زمان
ثالثا ... فى حاجات مش بنقدر نحكيها لأقرب الناس بينا لكن قدرت احكيها لناس معرفهمش ولا يعرفونى
وكان فى نوع من التفاعل مع البوستات اللى كتبتها وجالى كومنتات جميلة رفت من روحى المعنوية
طبعا راح دة كله وانعزلت عن الناس مرة أخرى
رابعا ..... لما كنت بأكتب اللى بيحصل بينى وبينى جوزى كنت بأرجع أقراه
وكنت فى كل مرة بقراه بشوفه من منظور مختلف ... وغالبا كنت بشوف حب زوجى لى حتى فى أحلك الظروف
فى عز الخناقات .. لما بعيد القراءة بلاقى كلمة فى النص بتدل على شعوره تجاهى
لما كان بيتحانق على انى نسيت التى شيرت مثلا .... عرفت لما كتبت الحكاية انه زعل عشان حس بانى نسيته
وعرفت انه كدة بيحبنى
******
كفاية تطرف فى الدين .... كرهتونا فى الدين والله العظيم ... ارحمونا بقى .... دعوا الخلق للخالق
حد طلب نصيحتك؟؟؟ حد قالك ان جوزى زعلان؟؟؟
دة لو انا حطيت اسمى واسم جوزى كمان محدش له دعوة؟ هو مفيش اى معنى لإحترام قرارات الآخرين فى البلد دى؟
كنت فاكرة المدونين حاجة تانية ؟؟ فكرتهم ناس بتفهم وبتفكر ؟؟؟ لقيت منهم التخلف والتطرف والنظرة المتدنية للمرأة
طبعا .... ست وبتتكلم .... زوجة وبتقول انها متضايقة
يا خبر .. يا خبر ..... هتلم الستات حواليها ويعرفوا حاجات وحاجات ... حاجات قلة أدب
الحب قلة أدب ... الجنس قلة أدب ... طبعا ... لما يكون دة احساس واحدة ست يبقى على طول قلة أدب
مين عرفكوا انى مسلمة أصلا ... ؟؟؟ ومين قال انى لو مسلمة يبقى المفروض متكلمش؟؟
ومين حط القانون دة؟؟؟؟ هتقولوا ... ربنا .... محصلش ... ربنا عادل ومش بيظلم عبده
عبده هنا مؤنث ... يبقى لازم تتحجم وتتألم وهى ساكتة ... يبقى لازم تاخد بالجزمة لو فتحت بقها
عيب ... عيب يا بنات تعبروا عن اللى جواكوا
كفرتونى وطلعتونى من الملة .................
هأكتب اللى انا عايزاه واللى عاجبه الكلحل يتحكل واللى مش عاجبة يرحل
شكرا يا ستيتة .... شكرا يا عاشقة الرومانسية ... انتوا رجعتونى للمدونة بإصراركوا
ألف تحية للناس الحقيقية ... واللى مش كدة طظ فيه
هناك 20 تعليقًا:
ربنا يعزك ويبارك لك يارب
البوست ده رد اعتبار للدكتوره ستيته واللى مش تعرف اى شئ لسه عن التعليقات اللى فى البوست اللى فات
ربنا يكرمك زى ما ريحتى قلبى
انا من امبارح ودمى محروق على انسانه لو تعرفيها هتحترميها جدا جدا
وانتى كمان عقليه محترمه وتستحقى كل الاحترام
اكتبى براحتك
قولى اللى انتى عاوزاه
صرخى زى ما يعجبك
محدش وصى على حد
ثم ان النصيحه على الملأ فضيحه
والمدونين زى باقى الناس فيهم الكويس وفيهم الوحش
بس بفضل الله كل اللى حوالينا ناس كويسين جدا
صدقينى مش هتفرق كتير مسلمه ولا مسيحيه
احنا كلنا اخوات
وفى بينا ناس مسيحيين واقرب لنا من اهلنا وبنعتبرهم فعلا اخواتنا
وطبعا انا فاهمه قصدك كويس
ان محدش ينصح باسم الدين سواء مسلم او مسيحى لاننا كلنا عارفين امور دينا كويس
التدوين ده شئ جميل
عرفنا على ناس حبيناهم قوى
وفى اوقات تانيه بيكون صرخه بتخرج وتريحنا بدل ما تقف فى زورنا ونموت من الكبت وقرف الدنيا
اسفه لو كنت فى تعليقات البوست اللى فات تطاولت على حد
بس دمى غلى فى عروقى علشان الدكتوره ستيته لانها فى منزله امى
فرحت بالبوست ده انك رجعتى تكتبى تانى
مش تغيبى عننا الله يكرمك
لانى فعلا حبيتك قوى
كل سنه وكل لحظه وانتى بخير
دودو
فرحاااااااااااااااانه قوي قوي انك رجعتي تكتبي .. كل شوية كنت اجي اشوف كتبتي ايه جديد واحزن جدا انك سمعتي شوية تخلف عقلي وأثروا فيكي
اللي مزعلني بس انك معصبة نفسك على شخصيات اعتبارية افتراضية قمة في الإحترام والأدب وقلوبهم بيضا وفله وبيحبوا الناس ومحدش غايظهم وهاري قلوبهم .. براحتهم يا حبيبتي خدوا ذنوبي وربنا يقدرهم على حملها
لو بني ادمين يعرفوني هم مين ابعت لهم حاجة حلوة ههههههههههههههههه
والله انا بنبسط لما ألاقي مجرد "غير" معلق وبيطلع تعب شخصيته ونفسه من كتر غيرته وهريته لا بيوقفني ولا بيأثر في ومفروض انك برضه كده والا ايه
وزي ما دودو قالت لك احنا لينا ناس حبايبنا مسيحين بنحبهم حب الأبناء والأخوات ولو انتي مسيحية ده ميغيرش شيء من حبنا لك .. انا فرحي اتعمل في بيت جاري المسيحي :)
واصلا يا حبي ها ارجع اقول لك تاني
خدي حكمة مدونتي
"لا اعرف اسباب النجاح ولكني اعرف اول اسباب الفشل .. محاولة ارضاء كل الناس" بس يا قمر
وحمد الله على السلامة جيتي نورتي المدونات تاني
ومن فضلك متوجهيش كلامك للمدونين دول اجدع ناس وادعوكي للتعرف عليهم ها تلاقي عقليات متفتحة وستات ورجالة زي الفل وشهم زي قفاهم مش من بره وش الشيوخ ومن جوا تحرش وقلة أدب
ههههههههههههههههههههههههههههه
اختى معلش هاطلب منك طلب غلس شويه بس والله غرضى مصلحتك
وعلشان دمك مش يتحرق تانى من اى حد
شيلى التعليقات للغير معروف
واللى يدخل عندك يدخل بالاكونت بتاعه
يعنى تبقى عارفه مين بيكلمك وتقدرى تزورى مدونته
لو مش عايزه بلاش
بس والله الغرض انك مش تلاقى حد يسبب لك ضيق تانى
تحياتى ليكى
هو في ايه ياجدعان اول مره اجي هنا بقي مش فاهمه حاجه في اي حاجه
حد يفهمني ياجودعان
احلى خبر سمعته والله انك رجعتى ياشيخة حرام عليكى قلقتينا
ارجعى اكتبى اللى جواكى بدل ما تكتئبى انتى مغلطتيش فى حد ولا فى حق نفسك انتى بتكتبى عشان تتكلمى مع الناس يمكن تكونى انتى الغلط واحنا بنفهمك الموقف ماهو اللى فى الموقف مش بيشوف زى اللى براه
احنا معاكى مهما كان وربنا يسعدك وبجد بجد فرحتينى جداااااااااااااااا
وبشكر دودو العسل وستيتة
تحياتى يا قمر
لا ياتوتا المدونين كلهم مش كدا طيب انا معروفه ان مدونتي كلها عن بيتي ومش في حد هاجمني طب داانا عامله مدونة مخصوص لليوميات ايه رايك بقي مش تاخدي الكل علي انهم واحد التدوين افكار ومفكرين واتجاااهات
ولا تزعلي نفسك
اقوللك على حاجة
انتى اكتبي
قلمك حر
احساسك حر
تكتبي كل الى ف قلبك
ما تكتميش
امال كاتبة لية
يالا قومي اتحركي
امسكي قلمك
اكتبي
طلعي الى جواكي
اوعي تقولي مش هكتب
القلم حر مهما كان
مش بيتباع ولا بيشتر
فضفضي
انا و كلنا معاكي
ولي ان شاء الله تقولي الى اللناس تقول مش غلط
قولي كل حاجة
مستنيكي بسرعة ف مدونتي
هههههههههههههههههههههههههههه
كل سنة و انتى طيبة يا زوجة و ام
الاول بس
انا جيت هنا بدعوة من عاشقة الرومانسية
ودي حد عزيز قوي عليا و طلب مني اشوف البلوج هنا و بتسالني رأي و انك عندك حق في كلامك وعاوز ارد
انا مبدئيا قريت البوست ده .. قبل ما اعمل تعليق
قريت البلوج كله كلمة كلمة
بعدين خدت اللينك حطيته عندي في الريدر
نكمل بقي
انا عادل ... شاب في الضياع يعني ..وبني ادم اقصي مايكون من البجاحة و الصراحة ... مش بحب اجامل و اعمل شغل حمام التلات بتاع المدونات ده
انا بجد احييييييكي علي كل كلامك ...
مبدئيا ... محدش ليه اي حاجة عندك ابدا الا ربنا ...
و لو مسيحية يبقي مفيش حرام و حلال في شئ اسمه يليق او لا يليق
لو مسلمة يبقي فيه حرام و حلال
بس في الحالتين ... كلام ربنا واضح
متسمعيش من اي حد يفسر دين ,,,,
ربنا اعمل باللي جواكي مش هما
وهو اللي هيحاسبك
المسيح قال للناس لما جابوا الزانية عشان يامرهم يقتلها زي ما قال الناموس ...قالهم (من كان منكم بلا خطيئة فليرجمها اولا)
وانا هنا بقول اللي منكم مبيغلطش يحاسبها صاحبة المدونة هنا
وعلي فكرة لمعلوماتك
في من الناصحين الواعظين هنا .... اللي علي العكس في الحقيقة تماما ... يعني بيبان ملاك و هو فيه عبر الدنيا
وهو حر انا مش بحاسبه
بس هو كمان ميحاسبنيش
الكلام في اي حاجة عمره ماكان عيب
حتي في الجنس
لو الجنس عيب ربنا مكنش خلقه
العيب ممكن يكون في الابتذال وانا مش شايف في كلامك اي ابتزال !!!!!
اعتقد روايات علاء الاسواني اتكلمت مواضيع جنسية و اتهجمت في مصر و خدت جوايز برة
قبل ما حد يقولي برة و جوة
ليه فرحنا عشان حد خد من عندنا نوبل مع انهم عالم منحلين ؟؟؟
نجيب محفوظ كفروا عشان لا شئ
ليه لما بنلاقي فيلم بيتكلم عن الجنس اجنبي بنتبعه و نقول دي عالم فاهمة و بتدرس
ولما واحدة بنت تتكلم عن الجنس تبقي تستاهل الرجم ؟؟؟؟
رد د/ستيتة اللي هو اخر جملة بتاع من برة شيوخ و من جوة قلة ادب
انا شفته بعيني صدقيني ....وشفت ناس شعراء و غرضهم زبالة من الناس اللي بتقرا لهم ...
ده غير اللي فاتحين علي البحري ...
هتقبلي هنا كتير ... انتي حظك بس انهم قبلوكي في الاول ... و نحن السابقون و انتم اللاحقون
---
ملحوظة او اتنين او علي حسب عددهم
انا ضد عاشقة سيبي التعليقات لاي حد بس ممكن تعملي انك لازم توفقي عليهم الاول قبل النشر عشان في ناس هوايتها الشتيمة حتي في الدين و اسال مجرب
انا عارف الكومنت اللي ممكن يجي علي كلامي ... اني ولد و فرحان بالكلام عن الجنس ... بس الولد ده انتوا متفرقوش معاها في حاجة ...لان الولد ده مبيتكسفش من اي حاجة بيعملها و يوم ما احب اتكلم عن الجنس هاكتب ده في مدونتي مرفقا بالصور كمان يا جرعااااااااااااااااااااان
ههههههههه
ايه كمية الرغي دي ؟؟
يالهوووي اول مرة اكتب كومنت طويل قوي كده
معلش اول زيارة بقي
ااقعدي بالعافية
ربنا يجعله عامر ....
عزيزتي مذكرات زوجه
انا كمان جيت من طرف حبيبت قلبي عاشقه الرمانسيه ...
عزيزتي ولا يهمك من اي حد لو كان النت اللي هو عالم افتراضي بيحد من مساحه حريتنا كان كل المدونين بطلوا كتابه من زمان ... هنا المكان الوحيد اللي نقدر تتكلم فيه براحتنا من غير ما نحس اننا مقيدين طبعا ... وكثير منا بيكتب حاجات مر بيها واثرت فيه وكمان حاجات اصلا مش موجوده الا في خيالنا ...
على فكره انا زيك اتأثر بسرعه واكتئب لو حد مسنى بكلمه وممكن اعمل زيك وابتعد عن التدوني وكمان بقعد افكر زيك بالضبط ياترا انا غلطت عشان كذا الناس هذي دخلت تعلق بالشكل هذا؟؟
انا قريت بوستاتك وكانت عباره عن احداث عاديه تحصل في كل بيت ... وعادي ان الزوج يغار من اولاده ويحس انك نسيتيه وعادي انه يتنرفز وانك تضايقين من رده فعله او كلامه ... ماشفت اي شئ فيه نقص من احترامه او تقليل من شأنه
والناس اللي علقت عندك اذا كان القصد النصح لازم مايكون فيها مجادله .. يعنى انت اوانتى قلتوا وجهت نظركم بس ماتفرضوها على صاحبت المدونه .. الموضوع مش بالغصب عشان يكون فيه احترام متبادل .. احترم وجهت نظري احترم وجهت نظرك ... لكن تفرض على رأيك وتجبرني عليه وانك انت اونتى الصح ... لا هذا غير مقبول
ارجعي وبقوه واستمري بالكتابه
وانا انتظر جديدك
تحياتى
صباح الخير
انا جيبت المدونة انا كمان بدعوة من دودو حبيبة قلبي
وقريتها تقريبا كلها وفهمت ايه الموضوع
وزى ما ستيتة قالت مش كل المدونين عقولهم كدا وكيد مش كلهم حلوين بس دول قلة
المهم انتى ولا يهمك اكتبي اللى يريحك واللى تحسي انك عاوزه تقوليه
طالما مش غلط ومش بتضري حد يبئا مش من حق حد يحجر على كلامك وقلمك
انتى رجعتى نورتى المدونات وعاوزينك تفضلى منوراها على طول
على فكره انا كمان عندى بنوتين
يا استاذة انا هتكلم عن نفسى وتعليقى اللى فات اللى كنت اقصد بيه نصيحة ودفاع عن رأى اللى مقتنع بيه بعيدا عن كلام غير المعروفين الاخرين والتطرف وكلام دكتور ستيتة وعاشقة الرومانسية وبعيدا عن انك مسلمة او باى ديانة اخرى الحكاية ملهاش علاقة بالدين
دى اداب مش معنى ان العلاقة الزوجية مش شئ خاطئ وعيب اننا نتكلم فيها بشكل مباح جدا للدرجة دى اكيد هتلمس شئ جوة زوجات كتير بس برضو اكيد هتجرح مشاعر بنات وشباب اخرين موجودين فى عالم التدوين اللى بتتكلمى عنه عندهم 14 و 17 سنة مفروض اننا لما نتكلم نعمل حساب الجميع زى ما بنطلب من الجميع يعملوا حساب لاختيارنا
ممكن يكون اللى جى المدونة جى فعلا باختيارة بس الاكيد انه مش متوقع يلاقى فيها تفاصيل يومية فى علاقة زوجية بتتكلم بشكل كبير وزووم اين جامد على العلاقة الجنسية فقط والمشاعر اللى بالهمس واللمس والقبلات
شفت ناس كتير بتدافع عن تفكيرهم اللى هو من وجهة نظر الاخريين خاطئ ومش بتتقبل تشوف وجهة النظر الاخرى وبتعتبرها تعدى على الحقوق وعمرهم مفكروا ان رايهم ممكن يكون برضو تعدى على افكار وبرائه واخلاق الاخرين
مش بعارض ولا بأيد اللى بتكتبيه
بس بطلب تعملى حساب الاخرين وتقولى حاجة تضيفلهم وتحترم افكارهم واخلاقهم تحترم الحياء اللى جواهم
واذا كان الهدف الكتابة فى حد ذاتها اكتبى لنفسك و اذا كان الهدف انك تحسى من بين السطور بحب زوجك اقرى برضو معا نفسك
واذا كان الهدف الفضفضة فبما انك مش شايفة ان العلاقة الجنسية مش عيب وان عادى نتكلم فيها يبقى الاولى تتكلمى مع زوجك
ولا اية ؟
تحياتى
معلش رجعت تاني عشان الذاكرة بس
انا بنسي بسرعة
المهم
في حكمة بحبها قوي قوي
انت حر مالم تضر
دي معناها ببساطة انك تعملي اللي يعجبك من غير ماتضري حد تاني
حلو
اكتبي الي يعجبك
اللي شايف انه بتضرر من كلامك بسهولة ميدخلش هنا
في النت انت اللي بتحدد اللي بتقراه او لا ... ضغطة ماوس بتنهي كل حاجة
ومش كل حد هيتهاجم هيبطل كتابة
انا غلطت مرة ان كتبت علي هوا الناس و رغم اني بكتب في امور عادية بس بقيت مرتبط بشكل معين عملي مشاكل جامدة قوي
-----
ملحوظة: ردي ده تكمله لتعليقي اللي فوق
مش رد علي اي حد معين
خوفا بس من اتخلاط الامور
أنا برضو لما لقيتك غبتي كتير حسيت أن ده السبب... بس و لا يهمك .. طنشيهم خالص و كملي براحتك .. أننا الناس دي جابتلي اكتئاب أيام ما كان عندي 14 سنه بس .. ما بيهمهمش يعني و الحل الوحيد انك تطنشي خاااالص =)
على فكرة دي أول مرة أعلق هنابس كنت متابعاك من زمان و أنا فرحانة بجد إنك هتكتبي تاني =)
A.P
ياجماعة اللى حصل ان فى ناس حبت تنصح وناس زودتها ودخلت فى ناس تانية
انا مش هتكلم عن حد
هتكلم عن نفسى وافهكمك كان قصدى ايه
انا حبيت انصح لأنى شفت بعينى وعشت تجربة من سنتين وكان الموضوع مع واحدة منزوجة برده كانت واخدة الموضوع فضفضة معايا وانا كنت عادى خالص مفيش حاجة لكن بدأ الموضوع يتطور من ناحيتها
ولولا انى قطعت العلاقة لما حسيت ان الموضوع بيتطور تطور مش تمام وخوفى على بيتها وأولادها مش عارف كان ايه اللى حصل
انا طبعا كنت ساعتها صغير 16 سنة
ده قصة انا عشتها
انا سمعت بقى قصص كتيييير مشابهة
وكانت نهايتها اسوأ بكتيييييييير
انا مش بقولك متكتبيش
لا طبعا
اكتبى
اامال المدونة معمولة ليه
انا اما علقت فى البوست اللى فات ونصحتك تاخدى بالك كان قصدى تاخدى بالك من ان فيه فى النت ناس زبالة احيانا بيستغلو لحظة ضعف او ضيق عند الانسان وبيحاولو يتقربو ليه منها بكلامهم المعسول والطبطبة المصطنعة وبعدها يلعبو بيه وياعالم ايه اللى يحصل ساعتها
بصى خلاصة الحوار علشان الواحد فيه اللى مكفيه ومش ناقصه حد كمان يفهمه غلط
اكتبى زي ماتحبى
وخدى بالك من نفسك
وطبعا فى ناس زى الفل معاكى ومأيداكى اهه
ومستعدين يحطو صباعهم فى عين اللى يتكلم
عالعموم كل سنة وانتى طيبة
ويارب يكون عيد سعيد عليكى انتى وأسرتك
ومستنين بوست تحكيلنا فيه اللى حصل فى العيد
كل عام وانتم بخير
تمنياتي بقضاء عيد سعيد:)
عيد سعيد عليكى وعلى بناتك وزوجك يارب
كل سنه وانتى طيبه
هقولك شئ ببساطة كلنا متفقين ان
الكذب حرام والخيانة حرام والسرقة حرام
ولو مش مسلمة اعتقد انهم فى اى ديانة اخرى برضو اثم وخطاء ولو شفنا حد بيعملهم ننصحة على سبيل الاخلاق والقيم مش على سبيل الدين بس
يعنى لو فى مدونة اعذو بالله بتتكلم عن الكفر بالله كلنا بنقول عليها شئ سئ ولو فى مدونة بتكلم عن الشذوذ كلنا بنشمئز ما نقدر نقول بمنطقك دا عليهم هم احرار اللى عايزين يكتبوة يكتبوة
ومش هتفرق ان كنتى هنا فى عالم المدونات او العالم الحقيقى والا كان اسهل تجمعى شوية ناس متعرفهومش فى الحقيقة او تعرفيهم وتقوليلهم كل اللى بتكتبية وبيحصل فى حياتك وتسمعى رأيهم
صعب تعملى كدا صح السؤال بقى ليه مش عشان الجنس هو اللى عيب عشان صفة الكلام عن العلاقة الخاصة بين الزوجين هى اللى عيب
نشر سلبيت زوجك حتى لو بيغلفها الحب
نشر احداث بيتك هو اللى عيب
سؤال نفسى تجاوبى علية
لو جوزك عرف انك بتكتبى الكلام دا فى يوميات خاصة بيكى لوحدك وقراها صدفة واتناقشتم فيها هل هيتضايق ؟
طيب لو شافك صدفة على الجهاز بتكتبى وقلب فى المدونة وشاف كتابتك وردودنا هل هيتضايق ؟؟؟؟!
وفى الحالتين انهى اسهل لزوجك انه يتقبلة
اكيد انتى تعرفى الاجابة اكتر مننا هل هيقبل مراته تنشر يوميات بيته كدا لان دى مش يوميات دى خصوصيات ولو انتى متعرفيش دا يبقى فى مشكلة وخلل لازم تعرفيه
ولو عندك الشجاعة انك توجهينا وتقولى تطرف هنا يبقى روحى نادى جوزك وانتى بتقرى الكلام دا وخلية يقلب فى المدونة ويرد هو علينا ويدافع عنك لو هو كمان شاف انك صح
وفى الاخر كلامى دا نصيحة يا افندم تعملى بيها او لا براحتك بس يمكن كلمة نقولها تفيدك وتقتنعى بيها وتحفظى نفسك وزوجك وبيتك
خلص الكلام اعتقد ولا اية :)
اصل مش شايف مدافعين خالص فى البلوج
الحمد لله يارب تكونى اقتنعتى
ولااااااااااااااااا يهمك
لانت اول ولا اخر حد يتكلم والكلام ميعجبش ال..............
وزى مانت قلتى ف الاخر االكحل ويرحل ايه؟ ايه؟
انتوا بتجيبوا الكلام ده منين؟
هههههههههههههههههههههههههههههههه
والله انت غيبتى شوية عن الكتابة وكنت انا كمان عايز اشوف مش بتكتبى ليه بس مكنتش فيه وسيلة للتواصل
كل سنة وانت طيبة ولا يهمك
أكتبى كاللى عايزة تقوليه ولو حتى عايزة تقولى جوزك ناكك برضوا عادى
إرسال تعليق