صحيت الصبح .. لبست البنات وحضرت الشنطة .. وصحيته كذا مرة لحد ما قام .. لبس .. نزلنا .. رايحين الجى دبليو ماريوت عشان الداى يوز اللى وعدنى بيه ..
بعد ما غيرنا هدومنا قالى هو انتى مجبتليش معاكى تى شيرت .. وقفت متنحة وكأن صاعقة هتنزل تخسف بية الأرض وقلتله .. انا فكرتك هتلبس تى شيرت ومخدتش بالى انك لبست قميص .. برطمة وهمهمة وكلمات تصدر منه تبدو بالنسبة لى شتايم او تهزيىء
ما علينا
واحنا رايحين البسين .. بحاول اخفف التنشنة .. قلتله : ممكن تشمر القميص وتفتحه وهو هيبقى كاجوال واستايل .............. انتى تسيبينى فى حالى خالص النهاردة .. اسيبك فى حالك ازاى يعنى ؟ هو انت ناوى تقضيها نكد على البسين؟ ........ اه بقى ومتتكلميش معايا خالص .... مش فاهمة يعنى هو انت ناوى تنكد علية عشان موضوع التى شيرت دة ؟ ...... ملحقتش اكمل كلامى ولقيته بيلف وراجع على الأوضة ... قلت للبنات تعالوا نروح مع بابى يا بنات ... هو بابى رايح فين ؟ عاملة هبلة (مش عارفة .. هنشوف) ... ودخلت وراه ... انت هتقعد هنا؟ هو: ايوة انا عملت اللى علية وجبتكوا ومش عايز كلام كتير ... روحوا بقى من هنا .... أنا : هو انت فاكر ان كل اللى عليك انك تجيبنا؟ هو انا هقعد لوحدى اذا مجتش معانا انا هأروح على البيت .... هو: يا ريت تبقى ريحتى
اخدت شنطتى وانا بعيط وجريت على برة
قعدت ألف شوية عشان محدش يشوفنى وانا مفحومة من العياط .. وبعد ما طلعت لقيتنى فى الطل وصعب آلاقى تاكسى فى الصحرا... اتصلت بيه .. الموبايل مقفول .. لفيت شوية لحد ما هديت خالص ... رجعت لقيتهم مش فى الأوضة .. لقيتهم على البسين .. البنات هللوا لما شافونى
انا عايزة مفتاح العربية ... هو: الكارت فى الأوضة روحى خديه وسلميه فى الباركينج هيدوكى المفتاح.
رحت على الأوضة .. قلت ملهاش حل غير انى اهيس عشان اقدر ارجع واتعايش .. وقد كان..
رجعت دماغى ممسوحة ... اول ماشافنى قالى .. انتى ممشيتيش ليه؟ قلتله : معرفتش .. مش يسكت بقى !! .. لأ .. لازم الذل .. معرفتيش ليه؟ ... سكتت ...
بقية اليوم بوز كبييييييييييييير .. هو قاعد لوحده طول الوقت وانا قاعدة بأدادى فى العيال طبعا
مع بنتى فى البسين .. واحد بيندهلى .. صاحب جوزى وسألنى عليه .. ندهناله واول ما شاف صاحبه .. اتفكت عقدة لسانه وبقى الكلام بمعدل 150 كلمة فى الدقيقة .. والضحك 15 مرة كل 3 دقايق وصوت عالى وفرفشة وهزار وضحك (امال معايا ليه البوز والنكد وحساب الملكين والجارية اللى اشتراها من سوق النخاسة .. الكلبة اللى نسيت التى شيرت لازم تترجم
والله عيطت .. من الشعور بالقهر .. والذل .. وافتقاد الحب .. معنديش حد يحبنى تانى .. هو دة اللى انا حبيته واتجوزته .. طب اطلب من مين الحب والإهتمام؟ ... بقى كله قسوة وجفا ... بيفكرنى بأبويا ... ابويا كان قاسى ومش بيتكلم معانا وبينه وبيننا بلاد .. افكر .. هل يا ترى هيبقى جوزى كدة مع البنات؟؟
قال يالله .. رحنا الأوضة .. نام هو والبنات .. قعدت انا برة على البسين ودموعى زى الحنفية مش عارفة اوقفها .. بعد ييجى ساعتين بعتلى البنت تقولى يالله هنروح ..
رجعنا البيت ... حميت البنات وكنت بأسرح الكبيرة لما دخل الأوضة علينا وباسها وباسنى وهو بيقولها .. هاتى بوسة وندى لمامى بوسة نصالحها .... طب بعد ايه؟ ............ انا ميهمنيش اروح فين ولا يهمنى المكان .. كل اللى يهمنى الصحبة .. دى الجنة من غير ناس ما تنداس يا ناس ....
كل مرة نروح فى حتة يتلكك على خناقة وينكد علينا ويبقى مش طايق نفسه وعمال يزعق فى البنات .. وبعد ما نرجع يصالحنى .. طب وليه من الأول ؟؟ .. زى ما يكون مش بيحب يعمل حاجة معانا
يا ريتنى كنت واحد صاحبه ... يمكن كان زمانه بيتكلم وبيضحك ويهزر معايا
بعد ما غيرنا هدومنا قالى هو انتى مجبتليش معاكى تى شيرت .. وقفت متنحة وكأن صاعقة هتنزل تخسف بية الأرض وقلتله .. انا فكرتك هتلبس تى شيرت ومخدتش بالى انك لبست قميص .. برطمة وهمهمة وكلمات تصدر منه تبدو بالنسبة لى شتايم او تهزيىء
ما علينا
واحنا رايحين البسين .. بحاول اخفف التنشنة .. قلتله : ممكن تشمر القميص وتفتحه وهو هيبقى كاجوال واستايل .............. انتى تسيبينى فى حالى خالص النهاردة .. اسيبك فى حالك ازاى يعنى ؟ هو انت ناوى تقضيها نكد على البسين؟ ........ اه بقى ومتتكلميش معايا خالص .... مش فاهمة يعنى هو انت ناوى تنكد علية عشان موضوع التى شيرت دة ؟ ...... ملحقتش اكمل كلامى ولقيته بيلف وراجع على الأوضة ... قلت للبنات تعالوا نروح مع بابى يا بنات ... هو بابى رايح فين ؟ عاملة هبلة (مش عارفة .. هنشوف) ... ودخلت وراه ... انت هتقعد هنا؟ هو: ايوة انا عملت اللى علية وجبتكوا ومش عايز كلام كتير ... روحوا بقى من هنا .... أنا : هو انت فاكر ان كل اللى عليك انك تجيبنا؟ هو انا هقعد لوحدى اذا مجتش معانا انا هأروح على البيت .... هو: يا ريت تبقى ريحتى
اخدت شنطتى وانا بعيط وجريت على برة
قعدت ألف شوية عشان محدش يشوفنى وانا مفحومة من العياط .. وبعد ما طلعت لقيتنى فى الطل وصعب آلاقى تاكسى فى الصحرا... اتصلت بيه .. الموبايل مقفول .. لفيت شوية لحد ما هديت خالص ... رجعت لقيتهم مش فى الأوضة .. لقيتهم على البسين .. البنات هللوا لما شافونى
انا عايزة مفتاح العربية ... هو: الكارت فى الأوضة روحى خديه وسلميه فى الباركينج هيدوكى المفتاح.
رحت على الأوضة .. قلت ملهاش حل غير انى اهيس عشان اقدر ارجع واتعايش .. وقد كان..
رجعت دماغى ممسوحة ... اول ماشافنى قالى .. انتى ممشيتيش ليه؟ قلتله : معرفتش .. مش يسكت بقى !! .. لأ .. لازم الذل .. معرفتيش ليه؟ ... سكتت ...
بقية اليوم بوز كبييييييييييييير .. هو قاعد لوحده طول الوقت وانا قاعدة بأدادى فى العيال طبعا
مع بنتى فى البسين .. واحد بيندهلى .. صاحب جوزى وسألنى عليه .. ندهناله واول ما شاف صاحبه .. اتفكت عقدة لسانه وبقى الكلام بمعدل 150 كلمة فى الدقيقة .. والضحك 15 مرة كل 3 دقايق وصوت عالى وفرفشة وهزار وضحك (امال معايا ليه البوز والنكد وحساب الملكين والجارية اللى اشتراها من سوق النخاسة .. الكلبة اللى نسيت التى شيرت لازم تترجم
والله عيطت .. من الشعور بالقهر .. والذل .. وافتقاد الحب .. معنديش حد يحبنى تانى .. هو دة اللى انا حبيته واتجوزته .. طب اطلب من مين الحب والإهتمام؟ ... بقى كله قسوة وجفا ... بيفكرنى بأبويا ... ابويا كان قاسى ومش بيتكلم معانا وبينه وبيننا بلاد .. افكر .. هل يا ترى هيبقى جوزى كدة مع البنات؟؟
قال يالله .. رحنا الأوضة .. نام هو والبنات .. قعدت انا برة على البسين ودموعى زى الحنفية مش عارفة اوقفها .. بعد ييجى ساعتين بعتلى البنت تقولى يالله هنروح ..
رجعنا البيت ... حميت البنات وكنت بأسرح الكبيرة لما دخل الأوضة علينا وباسها وباسنى وهو بيقولها .. هاتى بوسة وندى لمامى بوسة نصالحها .... طب بعد ايه؟ ............ انا ميهمنيش اروح فين ولا يهمنى المكان .. كل اللى يهمنى الصحبة .. دى الجنة من غير ناس ما تنداس يا ناس ....
كل مرة نروح فى حتة يتلكك على خناقة وينكد علينا ويبقى مش طايق نفسه وعمال يزعق فى البنات .. وبعد ما نرجع يصالحنى .. طب وليه من الأول ؟؟ .. زى ما يكون مش بيحب يعمل حاجة معانا
يا ريتنى كنت واحد صاحبه ... يمكن كان زمانه بيتكلم وبيضحك ويهزر معايا
هناك 45 تعليقًا:
اول تعليق كالعاده
اصلى مقيمه هنا
ايه النكد ده؟
انا مش بحب كده
فعلا بيصالح بعد ايه؟
ماخلاص
كان من الاول
بس اقولك برضه؟
كفايا انه راجع نفسه وعرف انه غلطان
خلى قلبك انتى اكبر بقى
اموووووووووووه
عاشقة الرومانسية
انتى بتعليقك دة قدرتى ترسمى ابتسامة على وشى بعد يوم من النكد الفاخر درجة اولى .. نكد منقى الكترونيا
:)))))
انا والله خايفة عليكى وانتى داخلة على جواز لما تقرى الحاجات دى تتعقدى
انا بقول تخلى خطيبك هو اللى يقراها عشان يتعظ وميعملش كدة
:)
اول مرة احس باصدقاء مش عارفاهم
تعرفى
انا بقيت استنى تعليقاتك عندى زى ما باستنى اصحابى يسألوا علية
التدوين دة حاجة رائعة وانتى اروع مدونة فى الدنيا
ايه ياروح قلبى مالك بس؟ متزعليش انا اول ما قريت اتنكدت والله لالالالالا
ياستى كل الرجالة كده والله
بابا برضه كده يوم ماينزلنا يالهوىىىىى لازم يبوز فى وشنا بس بطنش بصراحة بنقول يوم وهيعدى المهم اننا بنكره اليوم ده هههههههههه
بنبقى عايزين نبقى كلنا مبسوطين
بس ده يظهر طبع الرجاله يجعل كلامنا خفيف علبهم هههههههه
متزعليش يا قمر يمكن حاجة مضايقاه ولا حاجة متخديش فى بالك واهو صالحك وقدرش على زعلك معلش يا جميل ها دموعك دى غالية علينا اوىىىىىىى
وطمنينى عليكى امانة ها وبوسى البنيتين القمرين
ايه ياخوانة انتو بتهدو النفوس يابنات ولا ايه
صلى عاللى هيشفع فيكى كده
حضرتك انا عارف انك متضايقة من الحوار
بس احمدى ربنا ان عندك بنات فضى همك فيهم
يعنى
سرحيلهم ولاعبيهم متقعديش تفكرى كتير
التفكير كتير بيخلى شوشو يجي ويقوم بواجبه ويقعد يسخنك علي جوزك
وبرده ركزى فى الجانب المضئ
يعنى هوه رجع وصالحك
خلاص فكرى كتير فى حوار المصالحة دى
وهتلاقيها عدت ان شاء الله
لازم تحصل حوارات النكد دى
لأن الواحد معندوش الا بيته ينكد فيه
ويارب مكونش طولت عليكى
انا لفيت البلوج
وماشاء الله كلكم هنا ستات فى ستات
يعنى انا تقريبا الراجل الوحيد اللى هنا
طب ربنا يستر بقى ^_^
انا كنت عايز اقول لحضرتك حاجة مهمة اوى بجد
بس مش نافعة اوى عالبلوج
ده ايميلى
dr_mido995@yahoo.com
انا هقولك الحاجة بسرعة ولو حضرتك حبيتى تمسحى الايميل مفيش مشكلة
لو حبيتى اقول هنا عالبلوج وبلاش الميل
خلاص زى ماحضرتك تحبى
واسف اوى عالتطويل
معلش اصبرى ربنا يهديه لك
ومين عارف مش يمكن يرجع حبيبك تانى ان شاء الله
دمتى بكل الخير والسعادة
معلش يا بنتى
كلنا لها
ينكدوا علينا فى الخروج عشان احنا محتاجينلهم
ويصالحونا فى البيت عشان هما محتاجينلنا
ربنا يهديهم ويصبرنا على بعض
روقى يا قمر
عادى عادى
دى ضريبة الخروج
متحطيش فى دماغك
بوسيلى البنات ربنا يخليهوملك يارب
ولا يهمك يا قمر
ان شاء الله تتعوض فى مرة احسن منها
ومتيأسيش منه ولا تزعلى جامد كده ولا تعيطي جامد بردو
عارفة لو مكنش صالحك كنت جيت عضيته
هههههههههههههههههههه
صدقيني لو مكنش خايف على احساسك مكنش فكر يصالحك
بس هو يظهر بيزعل وبيتئمص بسرعة شوية وعايز يتدلع شويتين
مى
صحيح يا مى .. هو اكيد طبع .. تصدقى ان ابويا برضه كان دايما ينكد علينا فى الخروج والفسح والمناسبات
وجوزى بيعمل كدة دايما
:)))))))))
الظاهر جينات ذكورية
محمد
انا فعلا بدأت أِشوف جانب مضىء بعد ما بدأت أكتب المذكرات
شكرا لمرورك
جودى
هو عمره ما كان مش حبيبى
دة حبيبى وعمرى كله .. لكن المشكلة انى عايزة ابقى حبيبته زى الأول
شكرا لمرورك
حاجات جوايا
مدونتى المفضلة
ينكدوا علينا فى الخروج عشان احنا محتاجينلهم
ويصالحونا فى البيت عشان هما محتاجينلنا
عجبتنى جدا العبارة دى وفيها تفسير للى بيحصل دايما فى المناسبات والرحلات والمصايف .. اكيد بيحسوا ان عليهم عبء ما ودة بيزعج الرجالة عموما
وكأن الرجل خلق لتربيه امرأة وتعتنى به ويوم ما يعملها حاجة تبسطها يبقى متضرر
له فى خلقه شئون
سعيدة لمرورك
مانوش
انتى جبتى المفيد
هو بيتقمص على طول وعايز يدلع حبتين .. طيب انا معنديش مشكلة ومستعدة ادلعه بقية عمرى
انما طيب انا بقى مين اللى يدلعنى
وان مكنتش انت تدلعنى مين هيدلعنى وان مكنتش انت تمتعنى .. مين هيمتعنى
شكرا لمرورك
محمد
مفيش مشكلة .. قول اللى انت عايزه
مش دة عالم افتراضى حر ومتحرر؟
مش عارفة اعلق بايه بجد
بس كلامك وجعنى
ربنا يهديهولك
السلام عليكم
هو حضرتك اول مرة تعرفى ان كل الرجالة كده
وبعدين يا ستى هو بيعمل الفلم ده علشان لما يرجع البيت يصالحك
ههههههههههههههه
وماله يعنى
هو مش الصلح خير
فكيها بقي
فكرتينى ب نكتة حلوة
معناها بيقول
قبل الارتباط الشاب من دول بيعمل المستحيل
تعالى افرجك على ايه
واشترى لك ايه وحاجات من دي
بعد الجواز
تعالى يا عم الحاج نشترى فستان
روحى لوحدك
ولا خدى ماما معاكى
تعالى مش عارف نعمل ايه
مطنش ومكبر الجمجمة
ههههههههههههههه
كلنا كده يا بنتى
مش هو لوحده
بس مش قوى يعنى
هههههههه
تقبلى تحياتى
طيب بعيدا عن المشكلة الا عند كل السيدات دى ومش بيحطوا نفسهم مكان الرجالة ولا الرجالة اللى مش بتحط نفسها مكان السيدات
واللى بيكون التفاهم بينهم صعب ودا بيأدى لمأساه فى المستقبل لانه يعتبر تدمير للحب اللى حضرتك بتسالى هو راح فين ؟
زى ما قلتلك بعيدا عن المشكلة هو يصح تنشرى اخبار ويوميات بيتك كدا للناس كلها طيب ممكن حضرتك تعملى البوست فى نصائح تحمل المعنى اللى انتى عايزة توصليه باسلوب عام ومع امثلة بس مش من بيتك ومشاعرك تجاة زوجك
بالاصح فكرى لو زوجك عرف عن المدونة و قرأها هيكون شعوره اية وممكن التعامل بينكم يكون ازاى اذا كان هو مش بيتحمل لوم وعتاب بينك وبينه هيتحمل كلامك دا ازاى قدام الناس
اسف لو كلامى فى اسائه او تجريح
بس اعتقدت ان من واجبى انى انصح اذا كان بأمكانى النصيحة
ورجاء ان امكن تضغطى على اسمى وتشوفى الموضوع دا يمكن يفيدك
تحياتى
عابر سبيل
__________
صح كلامك
مينفعش ننشر أدق أسرارنا الزوجية اللى رايح و الى جاى يتخبط فيها
يعنى لو مش حقيقة نبقى بنكدب
و لو حقيقة نبقى بنفضح
و منقولش ما هو فضاء بلوجرى و محدش عارف التانى .. و نثير الشباب ببوسة مش عارفة فين و لمسه جاية منين .
ممكن تختاريلك صديقة .. تكونى بتثقى فيها و تحكى معاها زى ما إنت عايزة ... من غير برضة ما نحكى على أدق أسرارنا الزوجية .
أتمنالك السعادة و راحة البال .
نيرفانا
اخر تعليقين دول قالو كلام من اللى انا عايز اقوله
حضرتك ممكن تكتبى مذكراتك زى ماتحبى وتحفظيها فى ملف وورد وتسيبها عالجهاز
بلاش النت
بعيدا عن الفضائح
النت مليان قراصنة وذئاب وممكن يشوفو حضرتك فريسة سهلة ليهم
وصدقينى الحوار لو حصل هيخلص نهاية مش حلوة خالص فى الاخر
حضرتك ممكن تكتبى الحوار بأسلوب ساخر ومضحك زى ماكتير عملو يعنى مثلا كأنك بتسخرى من اللى بيحصل ويكون فى نطاق عام البيت والشغل والعيال والهم
كده يعنى
مش لازم حوار البوس واللمس ده
وان شاء الله ربنا يهدى سرك انتى وزوجك
وربنا يصلح احوالكم ان شاء الله
ويارب تتقبلى رأيى ورأيى عابر سبيل ونيرفانا
ههههههههههه
ياشيخة ودى برضه عملة تعمليها؟
بقى تنسى التى شيرت؟
هههههههههههه
لو كان التى شيرت موجود برضه اليوم كان هيبقى نكد لان اصلا جوز حضرتك شكله كان متضايق من حاجة وكاتم فى نفسه
وبعدين لو هو ماتكلمش انت تحاولى تخليه يتكلم مش كل حاجة تحصل الطرفين يسكتوا يبقى كده عمر ماحاجة هتتحل والنكد هو اللى هيسيطر زى ماحصل كده
واياكى اياكى تنسى التى شيرت تانى؟
هههههههههههههههههههه
بس والله انا بستعجب منكو عشان دموعكوا قريبة قوى وكتيرة قوى دى ضحكة الواحدة للواحد اللى بيحبها بالدنيا واللى فيها والله لو عاملة ايه ممكن تكلفتيه بضحكة وتنسيه كل حاجة
بقولك بقى
اياكى اياكى تنسى التى شيرت تانى
انا بقولك اهوه
هههههههههههههههههههههه
بصراحة..بينما أني أعلق فى إحدي المدونات إذ بي أجد تعليقك وأنظر إلى الأسم فجزبني بشدة وأدهشني..فإذا بي أقرأ التدوينة(أسوأ داى يوز...)يتملكني بعض الشعور بالحزن وترتسم علي شفتي ابتسامه خافته تنم عن تعجب!.
بيد أننى أود أن أقول لكِ شئ:
(زوجك يحبك جداً جداً جداً..وأنتِ كذلك..لكن عليكِ أن تعلمى شئ أن الرجال قليلو الأعتذار والتأسف خصوصاً مع أزواجهم..فاحتوى زوجك واحني عليه ستجدين فيه فيض من الحب والمشاعر المرهفه)
تحياتي لكِ سيدتى
السلام عليكم و رحمة الله وبركاته
أختى العزيزة بلاش الفضايح دى ان الله حليم ستار وربنا ميقبلش بكده لان الست فرض عليها حفظ أسرار بيتها وجوزها يمكن انتى متقصديش أو بتقولى ان الناس مش عارفة انتى مين بس صدقينى معدومين الضمير كتار جدا وأولاد (الحلال) ماليين النت أوى
ممكن تكونى بتفضفضي و بتعملى ده بحسن نية لكن مش دى الطريقة الصح
اكتبى كل ايللي انتى عايزاه في ورقة وبعدين قطعيها اكتبى وكأنك بتكتبي لربنا وربنا سميع عليم
تخيلى لو جوزك عرف البلوج وشافه النهاية هتبقى وحشة أوى أوى ليكى ولحياتك وهتخسري حبيبك للابد
حطى نفسك مكانه وتخيلى رد فعلك مكانه
على فكرة جوزك بيحبك فعلا
يا اما مكانش اعتذر وخطب ودك
و صلحك لان الرجالة ما بتعتذرش ومعنى انه بيعتذر انه فعلا بيراجع نفسه
طب ليه بيعاملك كده؟
مش يمكن انتى دايما بتنقدى وبتشتكى وبتنكدى عليه ومبوزة معلش يعنى يمكن بتسكتى و بتكتمى جواكى ومش دايما بتشتكى لكن اكيد بيبان عليكى وعلى وشك وعلى علاقتكم مع بعض والراجل يقدر يحس ده اوى لان دى اكتر حاجة هو بيكرهها النكد والشكوى
احتويه واتغاضى عن اخطائه عامليه زى الطفل على راى نزار قبانى الرجال جميعهم اطفال معلش بنتك اكيد لما بتغلط انتى بتسامحيها وبتنسى حاولى ترضيه بكل الطرق وبصى على الحلو وهو اكيد هيرد على الاحسان باحسان
أنا نفسى متزعليش من كلامى
انا عارفة انك كويسة وبتحبي فعلا جوزك وهو كمان بيحبك والحقي جوزك قبل ما يبص لبرا وساعتها العيب صدقينى هيكون عليكى
انتى قصدك خير ونيتك خير عشان كده ربنا خلى الناس تنصحك
بتقولي انه مسافر ومتصلش
مش يمكن هو بيسمع كلام مش عايز يسمعه ومش يمكن في كلام هو نفسه يسمعه و بيسمعهوش
اتصلى انت وبلاش عتاب ولوم والشكوى المؤمن قليل العتاب واللوم والشكوى لما يخرج أو يسافر جربي تكتبيله ورقة وتكتبيله فيها بحبك وحشتنى...
اكتبيله على مراية الحمام بقلم الروج صباح النور يا حبيبي...
اللين لا يقابل الا باللين
هو هيحاول يرد على ده
ابعتيله مسجات حب وانه واحشك وهو في الشغل هيرد عليكى استقبليه بلهفة لما يرجع من الشغل وحاسسيه انك فعلا مستنياه عشان هو وحشك واديله حقه في اى وقت هو يطلب فيه بدل ما يروح يجيبه من برا وهو مع الوقت هيعوز يردلك كرمك وخدمتك ويسعى لرضاكى
يا رب متكونيش زعلتى وربنا يهدى سركم ويرجعلك جوزك
تحياتى
اول مرة ازور هذه المدونة الرائعة ..
السبب ؟ هى انها تلقائية من القلب نعيشها معك لأن حياتنا ملآنة بمثل هذه المواقف الطريفة والمؤلمة معا ..
حد قال ماعدا احنا ؟ لأ كلنا ذلك بدرجات متفاوتة تعتمد على تنوع الأمزجة واختلافها حتى من حين لآخر ..
كأب .. لا تعتقدى انك وحدك .. لكنى اذكرك بنصيحة قالتها شريفة فى قومها لابنتها ليلة زفافها .. كونى له أمة .. يصير لك عبدا وشيكا .. تفقدى سيدتى مواضع سعادته وشكليها من حوله واجعليها تحيطه اينما كان .. ثم اطلبى اى شئ .. سترين معجزات .. الرجال على ذلك الزهز (السطحى طبعا) إرضاؤهم يسير .. لأنهم مع زوجاتهم يعودون اطفالا مهما كان سنهم .. فكما تعتبر الزوجة زوجها أباها .. يعتبرها أمه ..
فى النهاية اقول لك نكتة لعلها ترسم على وجهك ابتسامة
فى خطبة بأحد المساجد ظل الامام يعدد فى مآثر الزوجة وتفانيها فى بيتها ولاسعاد زوجها .. حتى اتنهى فى النهاية بوصاية المصلين بأن يعود كل واحد الى منزله فيقبل يد زوجته امتنانا وعرفانا
فخرج عليه احد المصلين وقال ولكنى يامولانا غير متزوج فقال له : يبقى تبوس ايدك وش وضهر ((((:
سيدتى .. ان اجمل ميك آب تضعه سيدة على وجهها ÷و ابتسامتها
تحياتى
جيت اسئل عليكى
واشوفك غايبه ليه
لقيت تعليقات الاخوه القراء وعرفت اجابه سؤالى من غير مااستنى الرد منك
عايزه منك طلب بعد اذنك
لو ممكن تبعتى لى ايميلك على الميل ده ونتكلم
mero.200528@gmail.com
فى انتظارك
ايييييييييه؟ده؟
غايبة ليييييييييييييه؟
عايزين بوست جديييييييييييد
انا بدخل هنا وبقرأ كل بوست ده اولا
زعلانة جدا انك بقيتي مش بتكتبي وده ثانيا
بلوجر عالم افتراضي فعلا واكتبي اللي انت عاوزاه وفضفضي بكل شيء واصرخي وهيسي وقولي كل اللي نفسك فيه ده ثالثا
لا ها تبقى فريسة ولا انت بتفضحي بيتك ولا حد منا يعرف التاني ولا فيه اي ضرر من اللي بتكتبيه خالص ده رابعا
مش عارفة ليه الناس مش بترحم وتدخل تسيب رأي عجيب مفاده بلاش البوس واللمس
يا سلام
ليه ها يجيلكم فسفس هستيري لما تعرفوا ان ست بتبوس جوزها وبتحب حضنه
قطيعة على الفسفس الهستيري ده خامسا وسادسا وسابعا
اكتبي وريحي نفسيتك بدل ما تضطري تروحي لضاكتور نفساوي او تنفجري في جوزك زي الحلة البرستو اللي من غير منظم وده اخيرا
اتشرفت بالمرور هنا وماتخافيش محدش هنا يعرف حد وقولي اللي في نفسك
طيب ليه انا معلقتش قبل كده؟
لأن لما بخاف من نفسي او من نصيحتي بالتزم الصمت التام او الموت الزؤام وأسألي دودو عاشقة الرومانسية عني
انا حقنة
وقنبلة مولوتوف متحركة
كل سنة وانت طيبة
سبت لك تعليق وايميل ومش عبرتينى
مش مهم
اصلى حبيتك ونفسى ترجعى للتدوين تانى
اسمعى كلام ستيته لان ده فعلا عالم افتراضى
بس هى مش حقنه ولا حاجه
دى سكر
دى خالة المدونين كلهم
(:
بالله عليكى
يااما تكتبى بوست جديد
يااما تبعتى لى الايميل اكلمك
عايزه اطمئن عليكى
لله وفى الله
كل سنه وانتى طيبه
ورمضان كريم عليكى وعلى اسرتك
ستيتة حسب الله ....
متشكرين يا "حقنة" (كما سميتى نفسك) .
هما دول الكلمتين اللى ربنا قدرك عليهم
يعنى إنتى حتشيلى عن البنية ذنوبها يوم القيامة
و بعدين عالم إفتراضى إيه و واقعى إيه اللى يديى للإنسان الحق فى إنه يكتب أى كلام !!!!
يعنى ربنا مش حيحسبنا على اللى كتبناه بإيدينا !!
و لا حندافع و نقول ما هوه عالم إفتراضى !!!
يا دكتورة!! "ما يلفظ من قولٍ إلا لديه رقيبٌ عتيد " .. فلتتقِ الله فى النصيحة .
د/ هالة
موافق على كلام دكتورة هالة
لان لو مشينا مع راى ستيتة يبقى اى حد يكتب اى كلام مش محترم و يحط عليه اسم مستعار و لا حتى ميكتبش اسم خالص
و يقول مهوه عالم افتراضى
بالذمة ده اسمه كلام
يا حقنة حراااااااااااااام عليكى
قولى كلمة ترضى ربنا عنك
الله يكون فى عون الطلبة الى بتدرسلهم اذا كانت ديه ارائك
بدل ما تقوليلها فضفضى مع جوزك و متكتميش
و لا حتى اكتبى الى انت عايزاه فى فيل ورد و محدش يطلع عليه غيرك
و لا حتى تسكتى خالص ياحقنة و بلاش النصايح الى تودى فى داهية
اتقى الله يا دكتورة قنبلة
ماهر عبد اللطيف
د/ هالد
ماهر عبد اللطيف
انا مش هاغلط فيكم ولا هاتعامل معاكم باسلوبكم
بس انتم ما تعرفوش الانسانه اللى بتتكلموا عليها دى ايه
ولا تعرفوا شئ عن مدى احترامها لنفسها وللى حواليها
وازاى هتعرفوا شئ انتم فقراء له
ادينى غلط
لانكم بجد شخصيات مستفزه
وفى طرق كتير لتوجيه النصح احسن من كده
ثم ان اللى يخصكم صاحبه المدونه
ومش فيه داعى للتجريح فى زوارها
وده أ ب احترام يامحترمين
اختى صاحبه المدونه
احترام ضيوفك واجب عليكى
وانتى المسئوله عنه
والدكتوره ستيته مش غلط فى حقك علشان حد يتكلم عنها كده
ولو عندهم اى شجاعه ادبيه كانوا قالوا الكلام ده فى مدونتها
علشان تقدر ترد عليه
ولو عندهم اى شجاعه ادبيه كانوا قالوا الكلام ده فى مدونتها
علشان تقدر ترد عليه
انتهى الاقتباس
أعتقد إن ( أ ب ) المنطق العقلانى بيقول إن اللى عايز يرد على تعليق يكتبه فى نفس مكان التعليق
بمعنى انه ميروحش مكان تانى علشان يرد
و برضة المنطق بيقول ان ستيتة لو عايزة ترد على كلامنا (المحترم) ترد هنا برضة
علاوة على ان الموضوع مكانش فيه اى تهزئ
لان انا و الاستاذ ماهر استخدمنا المسميات اللى اطلقتها ستيتة على نفسها
فلو انتى شاعرة انها الفاظ مش محترمة
يبقى الاولى انك توجهى انتقادك لستيتة
د / هالة
د/ هاله
هارد عليكى هنا زى ماانتى عازه
بس مش بكلامى
ولكن بكلام صاحبه المدونه
روحى اقر البوست اللى نزلته جديد
بيتهيئلى فى البوست كلمه تخصك
وهى اخر كلمه فيه
ايييييييييييه دا
الكلام دا بيتقال عن دكتورة ستيته
مش هقول غير كلمة واحده
اتنصحون الناس وتنسون انفسكم
زي ماكتبتوا الاية اتعظوا منها انتم قبل اما تنصحو بيها غيركوا ولا ايه
اتنصحون الناس وتنسون انفسكم
كيارا
للتصحيح
الآية بتقول
( أتأمرون الناس بالبر و تنسون أنفسكم و أنتم تتلون الكتاب )
صدق الله العظيم
و اعتقد أنه لا مجال للإستدلال بهذه الآية الكريمة هنا .
عاشقة الرومانسية
لم أقرأ البوست الجديد و لن أقرأه
فلا أريد الإطلاع على المزيد من أسرار صاحبة المدونة ... التى دخلت إليها بناءً على طلب إحدى بناتى بغرض نهي صاحبة المدونةعن كشف الخبايا الزوجية .
د/ هالة
الله يعينك وبس
نتغعنغنه7غ
مساء الخير علييكى بجد انا حبيت طريقة نقل شعورك من خلال الكلماات وحسيت بيكى جدا لأنى متزوجة وعندى نفس المشكلة هههههههههه واضح ان الرجال كلهم وااحد انا برضه والله بتقى الله جدا فيه وربنا يعلم بس حب الامتلاك هو اللى مزعلنى منه والرد عليا بأسلوب بيزعلنى جدا بس ما بقدر انى ازعل منه وباجى على نفسى كتير لانى بحبه فعلا..
وانتى يا حبيبتى ماتزعلى ولا تتنكدى مادام هو صالحك ف الاخر وعرف انه غلطان بحقك..
موووه
د ... هالة
شكرا .. هأعتبره رأى .. مجرد رأى
لكن لكل منا رأى فى شئونه
تحياتى وسلميلى على بنتك وابوها كمان
على فكره انت بالطريقه ديه مش هتعرفي تعيشي عشان هو مش بيفكر كده ولو عاملتيه بتفكيرك هتعيشي اسواء ايام حياتك اهتمي فيه اكتر وفنفس الوقت خاليه يشتقلك خاليه يحس ان واحده موفراله كل حاجه ومهتمه بيه بس دايما وحشاه حتى وهي معاه والله ده منك مش منه وانا كمانوالله عشت الايام ديه مع جوزي لحد ما فهمت ونصحوني واتعلمت يعني مثلا لما لقتيه زعلان على التي شرت خلاص الموضوع خلص مش تقعدي تفكريه كل شويه بالموضوع حتى لو هتعتزري اققفلي على الموضوع خالص وخاليكي ساكته واحلى ابتسامه على وشك لانه هيتابع تعبيرات وشك من غير ماتحسي وبعد فتره قولي اي كلمه بسيطه حلوه بحبك انا مش متخيله حياتي من غيرك او يا ستي قولي نكته احكي موقف كوميدي شويهممكنتلاقيه يحرجك او ما يهتمش فيكي اسكتي خالص وانت برده بتضحكي وبعد شويه لما ينسى كرري الموضوع تاني عشان انت نسمه البيت ده مهما كان جوزك نكدي اوعي يغلبك ومش كل شويه تفكريه بالموضوع انت زعلان عامل كل ده عشان التي شرت هو انت ناوي تنكد عليه انا زهقت انا تعبت والراجل بيتخنق قوي من العياط والنكد حتى لو كان نكدي ما تنولهوش اللي فباله وخليكي زكيه وحولي حياتك لجنه بصبر منك ورضى هتقوليلوا هو انت هتنكد عليا هيعند معاكي وينكد لان الرجل طفل عنيد لاقصى درجه وبعدين يا سيتي لقتي منكد مش انت اللي تجري وراه وتكلميه اسكتي انت وخدي جمب مش جمب نكد جمي بضحكه بابتسامه خاليه هو اللي يدور عليكي
انتى مفتقده روح الخفه زى ماقلتى فى كلامك حاولى تعامليه زى مايكون صاحبك اسف فى التعبير بس مش لازم تحسسيه انك مراته انا حسيت انو متلكك مشموضوع تيشيرت بس غيرى من اسلوبك شويه معاة مش لازم تحسسيه انك لازم وانتوا خارجين تكونى معاة او هو يكون معاكى مشممكن هو عايز ينفرد بنفسه اليوم ده انتى كمان اعملى زى مبيعمل وعيشى حياتك مع بناتك وهو بقى الى يسأل عليكو انما تحرقى اعصابك فى يوم انتى المفروض خارجه فيه عيشى اكنك لسه مشمتجوزة بس لو هو طلب انك تكونى معة فى الخروج او فى اى فسحه توافقى مش انتى الى تطلبى منه عشان هو ممكن يحس بالضغط عليه الزياده انما لما تيجى منه هو هتحسى بحاجه تانيه خالص
قولى الحمدالله على اى حاجه وهو بيحبك علشان لومكنش بيحبك ويعرف قمتك مش هيرجع ويصلحك وقولى الحمدالله انها نكد بس مش حاجه تانى ربنا يوفقك ويخليلك بناتك.
الطبيعي بتاع الرجاله ...اكنك بتحكي على جوزي
إرسال تعليق