قبل العيد بكام يوم ... يوم الإتنين على الأخص ... قامت خناقة .. خناقة جامدة قوى و وحشة قوى وعنيفة قوى
بأسأله على حاجة كدة .. زعقلى قدام البنات ... قمت اتعصبت .. قصدى اتجننت .. قصدى اتهبلت... وقعدت ارمى الحاجات على الأرض وعليه هو شخصيا
قلت للبنات خشوا جوة ... همة كانوا خايفين .. وانا وهو كنا زى المجانين
فجأة وأنا فى جنونى .. تلقيت الضربة القاضية والتى حسمت الموقف لصالح الأقوى طبعا ... لقيت قلم نازل على وشى وضرب وتلطيش ... محستش بنفسى غير وأنا واقعة فى الأرض ومش قادرة اقوم
بس قمت بكل ثبات وكملت الخناقة وحاولت انال منه كما نال منى .... كأنه صراع الجبابرة ... أو هيركليز وزينة
قلت ... طلقنىىىىىىىىىىىى ... طلقنىىىىىىىىىىىىىى ... انا مش عايزة اعيش معاك تانى ... انا مش قادرة استحمل عيوبك ... انت بتهزأنى قدام الناس وقدام بناتى ... مش عايزااااااااااااااااااااااك ...
قام هو لبس ونزل لأنه كان المفروض هيفطر برة
**********************
بناتى الإتنين مخضوضين وجايين وشهم أصفر
الصغيرة : هو انتى ليه يا مامى عايزة تطلقى بابى ... انا بحبه قوى .. ممكن تسامحيه علشان خاطرى
الكبرى : هو ضربك يا مامى؟؟؟؟ انتى هتطلقيه بجد؟
الصغيرة : هو بابى نزل راح فين ؟؟ هو مش جاى تانى؟
الكبرى تتجه نحو الداخل ثم تعود لتخبر اختها : بابى جاى تانى عشان هو ما أخدتش هدومه معاه
***********************
ما بنتكلمش خالص ... لحد ما سافر يوم الخميس .. من غير ما يصالحنى ولا نتكلم فى اللى حصل
**********************
ولا حس ولا خبر ولا حتى يحاول يصالحنى قبل العيد عشان منبقاش زعلانين فى العيد
فقط بعتلى ماسيدج على الموبايل بيقول ... ارجو اعطاء 100جنيه لكل بنت عيدية .. وطبعا مفيش عيدية لية أنا ... أنا اصبحت بلاك ليست
*********************
نايمة فى حجرتى يوم الأحد بعد العيد بكام يوم ... لقيته هالل علية وعلى وشه مرسوم كل الحب
هو - وحشتينى
أنا - انت كمان بس أنا زعلانة منك قوى
هو- عارف .. عارف ... حقك علية
أنا - يعنى كدة تسافر وتسيبنى فى العيد زعلانة ؟؟؟ مش كان مفروض تصالح حبيبتك الأول عشان ميبقاش العيد نكد؟
هو وهو يقبلنى ويأخذنى بين أحضانه - آسف .. صدقينى انا آسف ... انتى عندك حق ... ماتزعليش منى
أنا - عايزة اقولك ان انا مش عايزاك تمد ايدك علية تانى
هو - حاضر يا حبيبتى ... بس انتى مشفتيش انتى كنتى عاملة زى المجنونة ازاى وعمالة ترمى فى الحاجات فى كل حتة والطفاية كانت هتيجى فى التليفزيون الجديد وتكسره
أنا مداعبة - يا دى التليفزيون ... كل دة عشان التليفزيون
استطرد - انت عارف انى ببقى عصبية قبل الدورة وببقى مجنونة ساعات ... وانا عارفة فعلا انى زودتها لكن بلاش مد الإيد ... حتى لو انا غلطت ومديت ايدى .. انت مينفعش تضربنى
هو مداعبا - ليه بقى انشاء الله هو الموضوع دة فيه خيار وفقوس كمان؟
أنا - لأنك انت الأقوى فمينفعش ندخل مع بعض فى صراع قوة ... مش هتستعرض عضلاتك علية وتخبطنى مرة تجيب أجلى والعيال يتشردوا ... القوى يجب أن يسيطر على نفسه ... هو انت فاكر نفسك هركليز بتصارع زينا ولا ايه ؟؟؟ انت لو بس زقتنى بطرف صباعك .. انا هقع من طولى ... مش عارفة انت ضربتنى بعزم ما فيك وتعبت نفسك ليه يعنى؟؟ ولما يعنى تخبطنى مرة تجيب اجلى والعيال تتشرد هتبقى مبسوط؟؟؟ انت الأقوى عضليا ... مينفعش تضرب حد أضعف منك وبلاش الغل والعنف دة معايا ..أنا ضعيفة وبليز ما تستغلش انك الأقوى .... مفيش بيننا صراع قوة يا حبيبى ... ومحبش يكون فى صراع قوة لأن كفتك هى الأرجح ...
هو - انت عندك حق والله ... بوسة ... أنا غلطان .. بوسة ... حقك علية ... بوسة
وعن اذنكوا بقى احسن مش معقول اسيب البوس دة كله وأقعد على المدونة
:)))))))))))))))))))))))))))))
بأسأله على حاجة كدة .. زعقلى قدام البنات ... قمت اتعصبت .. قصدى اتجننت .. قصدى اتهبلت... وقعدت ارمى الحاجات على الأرض وعليه هو شخصيا
قلت للبنات خشوا جوة ... همة كانوا خايفين .. وانا وهو كنا زى المجانين
فجأة وأنا فى جنونى .. تلقيت الضربة القاضية والتى حسمت الموقف لصالح الأقوى طبعا ... لقيت قلم نازل على وشى وضرب وتلطيش ... محستش بنفسى غير وأنا واقعة فى الأرض ومش قادرة اقوم
بس قمت بكل ثبات وكملت الخناقة وحاولت انال منه كما نال منى .... كأنه صراع الجبابرة ... أو هيركليز وزينة
قلت ... طلقنىىىىىىىىىىىى ... طلقنىىىىىىىىىىىىىى ... انا مش عايزة اعيش معاك تانى ... انا مش قادرة استحمل عيوبك ... انت بتهزأنى قدام الناس وقدام بناتى ... مش عايزااااااااااااااااااااااك ...
قام هو لبس ونزل لأنه كان المفروض هيفطر برة
**********************
بناتى الإتنين مخضوضين وجايين وشهم أصفر
الصغيرة : هو انتى ليه يا مامى عايزة تطلقى بابى ... انا بحبه قوى .. ممكن تسامحيه علشان خاطرى
الكبرى : هو ضربك يا مامى؟؟؟؟ انتى هتطلقيه بجد؟
الصغيرة : هو بابى نزل راح فين ؟؟ هو مش جاى تانى؟
الكبرى تتجه نحو الداخل ثم تعود لتخبر اختها : بابى جاى تانى عشان هو ما أخدتش هدومه معاه
***********************
ما بنتكلمش خالص ... لحد ما سافر يوم الخميس .. من غير ما يصالحنى ولا نتكلم فى اللى حصل
**********************
ولا حس ولا خبر ولا حتى يحاول يصالحنى قبل العيد عشان منبقاش زعلانين فى العيد
فقط بعتلى ماسيدج على الموبايل بيقول ... ارجو اعطاء 100جنيه لكل بنت عيدية .. وطبعا مفيش عيدية لية أنا ... أنا اصبحت بلاك ليست
*********************
نايمة فى حجرتى يوم الأحد بعد العيد بكام يوم ... لقيته هالل علية وعلى وشه مرسوم كل الحب
هو - وحشتينى
أنا - انت كمان بس أنا زعلانة منك قوى
هو- عارف .. عارف ... حقك علية
أنا - يعنى كدة تسافر وتسيبنى فى العيد زعلانة ؟؟؟ مش كان مفروض تصالح حبيبتك الأول عشان ميبقاش العيد نكد؟
هو وهو يقبلنى ويأخذنى بين أحضانه - آسف .. صدقينى انا آسف ... انتى عندك حق ... ماتزعليش منى
أنا - عايزة اقولك ان انا مش عايزاك تمد ايدك علية تانى
هو - حاضر يا حبيبتى ... بس انتى مشفتيش انتى كنتى عاملة زى المجنونة ازاى وعمالة ترمى فى الحاجات فى كل حتة والطفاية كانت هتيجى فى التليفزيون الجديد وتكسره
أنا مداعبة - يا دى التليفزيون ... كل دة عشان التليفزيون
استطرد - انت عارف انى ببقى عصبية قبل الدورة وببقى مجنونة ساعات ... وانا عارفة فعلا انى زودتها لكن بلاش مد الإيد ... حتى لو انا غلطت ومديت ايدى .. انت مينفعش تضربنى
هو مداعبا - ليه بقى انشاء الله هو الموضوع دة فيه خيار وفقوس كمان؟
أنا - لأنك انت الأقوى فمينفعش ندخل مع بعض فى صراع قوة ... مش هتستعرض عضلاتك علية وتخبطنى مرة تجيب أجلى والعيال يتشردوا ... القوى يجب أن يسيطر على نفسه ... هو انت فاكر نفسك هركليز بتصارع زينا ولا ايه ؟؟؟ انت لو بس زقتنى بطرف صباعك .. انا هقع من طولى ... مش عارفة انت ضربتنى بعزم ما فيك وتعبت نفسك ليه يعنى؟؟ ولما يعنى تخبطنى مرة تجيب اجلى والعيال تتشرد هتبقى مبسوط؟؟؟ انت الأقوى عضليا ... مينفعش تضرب حد أضعف منك وبلاش الغل والعنف دة معايا ..أنا ضعيفة وبليز ما تستغلش انك الأقوى .... مفيش بيننا صراع قوة يا حبيبى ... ومحبش يكون فى صراع قوة لأن كفتك هى الأرجح ...
هو - انت عندك حق والله ... بوسة ... أنا غلطان .. بوسة ... حقك علية ... بوسة
وعن اذنكوا بقى احسن مش معقول اسيب البوس دة كله وأقعد على المدونة
:)))))))))))))))))))))))))))))
هناك 15 تعليقًا:
هههههههههههههه
الحمد لله إن الموضوع إنتهى ببوس لاحسن بداية البوست كانت صعبة اوي
ربنا يهديكي له ويهديه ليكي يارب
سالفل
سانور
سالخير
اول بوست فيه حبه عاطفه
اعمليله عيد ميلاد البوست ده
بس مش معقول عشان يبقى فى عاطفه يبقى فى قتال سوبر مان وسوبر وومان يعنى
وخلوا بالكم خناق قدام البنات كويس انك لحقتى الموضوع
مبروك
وخلى بالك لتفتحى دماغه المره الجايه
انسانة
اه والله الحمد لله انه انتهى ببوس
:))))))))))))
الناس وهمة بيتخانقوا بيبقى الغضب عاميهم وبيطلعوا أوحش ما فيهم وما بيشوفوش غير عيوب الآخر فى لحظة الإنفعال والغضب من هذا الآخر
نورتينى يا سكر
The illusionist
يا سا النور والسعادة على المبسوطين زيادة
نورتنى يا عزيزى وتعليقك بأستناه قوى على فكرة
تصدق بعد تعليقك رحت قريت البوست لقيته فعلا مليان حب بس بعد ما كان فى الأول مليان ضرب
احنا فعلا بنحب بعض لكن زى أى حد عايش مع ناس فى نفس البيت
اذا كنا بنتخانق مع امنا وأبونا واخواتنا و اقرب الناس لينا .. والأم والأب ساعات بيضربوا ولادهم برضه رغم ان حبهم بيبقى فوق الوصف لعيالهم
كان لازم اسمى البوست دة ... حب وضرب
نورتنى
اولا وحشتينى
ثانيا وحشتنى مدونتك لانى غايبه عنها من فتره
ثالثا والاهم الحمد لله انها جت على قد كده والتليفزيون بخير
:)
طبعا انتى كل يوم هتعملى عركه علشان كل يوم يكون فيه بوس صح؟
(;
ربنا يسعدكم ويبارك لكم فى بعض
عاشقة الرومانسية
:)))
نورتى يا حبيبتى والله
على قد وحاشة الخناق .. على قد وحاشة الصلح والرجوع للحب
كلما كانت الخناقة اسوأ كلما كانت العودة لأحضان الحبيب اقوى
حلو البوست وحلو المشاعر والضرب والأكشن ده
’
هاو ار يو
:)
فولتا
تموت انت فى الأكشن والحركات
:))
نورت يا صديقى
هههههههههههههههههههههههههههههههه
ايون ياعم ربنا يسهلووووووووووو:))
يارب تفضلوا كوينين مع بعض كدا علطووول ويبعد عنكو الشر اللي مايتسمي(الضرب)
بسمة
:)
سونى
نورتينى يا قمر
طبعا انا بعتذر لانى مدخلتش عندك من زمان بس والله انا كمان مش بدخل مدونتى ..يعنى مقصرة بس افتكرتك قلت آجى اشوف اخبار
الحقيقه انا مش مع انك توصلى الموضوع لغاية ما يمد ايهده عليك...ولما مد ايه مينفعش يصالحك ببوسه
مش قاصدى الدنيا تقوم
بس طالما مد ايده فى البيت المرة الجايه فى الشارع او عند أى حد
لازم كنت تجيبى حد من عنده بس حد انت عارفه انه عايز يصلح...مش يقومها ومش حد هو بيتضايق منه
وتحكميه بينكم لانه حتى لو إنت زقتيه مينفعش هو يضربك لعدم تكافئ القوة..ولانك بتزقيه دلع لكن هو غضب
فلازم يفهم كده
المهم يعنى حاولى ان الموضوع ميتكررش تانى ابدا علشان ميبقاش تعود
وحاولى لما تحسى ببوادر الخناقه ابعدى خالص . احتراما لنفسك ولنفسية بناتك
لانه ابوهم وبيحبهم ...وهما مش هيفهموا تقصيره معاك أو تقصيرك معاه
ربنا يبعد عنكم الشيطان....,استعينى بالله واصبرى
الغالية الزوجة أم البنات
ربنا يحفظك التجئي لله وما راح يخيبكِ أبداً
وياليت تشوفي هنا
http://www.islamhouse.com/
ربنا يصلح بناتك ويكونوا قرة عين لك
البلوج تحفة بجد .. واسلوب كتابتك فظيع .. بيعشني جوا الحدث
ربنا يسعدك في حياتك ويهنيكي
إرسال تعليق