الخميس، 25 نوفمبر 2010

الهجر مر كالعلقم .. ولكن العلقم لم يقتل أحدا من قبل

عندما نفقد شيئا نتبين قيمته وايضا نتبين قدراتنا على التحمل
لا أحد يموت من الفراق .. ولا تنتهى الحياة برحيل أحد المقربين
ولكنها تصبح حياة أخرى غير تلك التى نعيشها
نفس الأشخاص .. نفس المكان .. نفس الزمان .. نفس الأشياء
لكن لها طعم مختلف .. يصبح كل ما حولنا بطعم المرارة
يختلف اسلوبنا فى التفكير ونكتشف أن لنا قدرات لم نستخدمها منذ زمن
لقد كنت يوما شابة يافعة تعمل بجد واجتهاد
شعلة نشاط وطاقة لا يستهان بها
نعم
سوف اقوم من كبوتى
صحيح لا شىء يؤلم امرأة كهجر حبيب .. الا أن ألم الإستسلام للوعة الهجر أكبر
هأحاول أعيش من غيره .. كان ظهرى ولما مشى اكتشفت ان عندى ظهر برضه
وعندى قدرة على أن أكون أنا
تمحورت حياتى حوله لسنوات وسنوات وآن الأوان لأستخدم ظهرى وذراعى وساقاى وعقلى
سوف أعود لنفسى .. على أن أحب نفسى .. لقد أحببته لسنوات لدرجة انى نسيت فيها أن أحب نفسى
لن يحبك الآخرون الا لو أحببت نفسك أولا

هناك 5 تعليقات:

adel يقول...

انت صح في معني البوست
بس ده يتوازي مع محاولاتك تاني معاه يمكن ربنا يحلها
لو محصلش فاكيد مش هتدمري حياتك كلها يعني

غير معرف يقول...

كلامك صح جدا ..و انا نصيحتى ليكى انك تحاولى تشغلى وقتك بحاجة تحاولى تثبتى فيها نفسك وتنجحى ممكن تضورى على شغل او لو انتى من الستات اللى مبتحبش الصحيان البدرى وولادك وخدين كل وقتك حاولى تشتركى فى اى جمعية خيرية و تشغلى بيها وقتك و تحسى بالسعادة لمى تحسى انك بترسمى بسمة على وجة اشخاص كتير ...
صدقينى لما بتكون الست بتشتغل بيكون طريقة تفكيرها مختلفة و بتكون حاسة ان جوزها مش هو الوحيد اللى محور حياتها لان عندها شغلها اللى نفسها تنجح فية ...و كمان لما بتتكلم مع جوزها بتتكلم فى موضوعات كتير غير البواب و خنقات الجيران اللى بيكون زهق منها ...
على فكرة معلومة يعنى الرجالة مش بتحب الزن و طول ما انتى محسسا انك مش قادرة على بعادة و كل شوية تزنى علية عشان يرجع هيسوق فيها و يعند سيبى براحتوا خالص و هو لما يحس انك مش معبراة هيرجع تانى ليكى لوحدة انشااااااااااااااء اللة .

على فكرة انا بقرأ البوست بتاعك علطول لكن دى اول مرة اكتب تعليق هنا او فى اى جروب تانى .

حاجات جوايا يقول...

كان ظهرى ولما مشى اكتشفت ان عندى ظهر برضه
وعندى قدرة على أن أكون أنا
تمحورت حياتى حوله لسنوات وسنوات وآن الأوان لأستخدم ظهرى وذراعى وساقاى وعقلى


كلام ايجابى جدا عجبتنى طريقة تفكيرك
بس يارب يرد الغايب ويزيل الخلاف ويفضل هو برضه ظهرك ودراعك وساقك أما عقلك فتمسكى به حتى فى وجوده

طمنينى عليكى حبيبتى
مفيش جديد؟

sony2000 يقول...

بصي
انا مش هقدر اقول حاجه
غير ان يااارب
ياااااااااااارب
يوفقك لما فيه الخير ليكي
اللهم امين

الفراشة الصغيرة يقول...

ربنا معاكى ويوقويكى

الكلام سهل لكن تنفيذه اصعب

ربنا يعينك عالتنفيذ