انا زعلانة قوى .. ايوة زعلانة ودموعى على خدى وانا بأكتب الكلام دة
النهاردة كنا قاعدين عادى وكله تمام .. انا وجوزى والبنات
أنا : المدرسة عند البنات بتدى دروس صيفية لغة فرنسية .. ايه رايك نوديهم؟
هو : دة بيقولوا ان نص المدرسة ساقطة فى الفرنساوى
انا : هو دة عيب المدرسة الوحيد ... انهم مش بيدوا اللغة التانية من بدرى .. بيدخلوها فى السنة السادسة .
هو فى عصبية : ايه الرأى المتخلف دة؟؟
اقول وأنا انظر الى البنتين فى خجل : من فضلك خلينا نختلف فى الرأى بأسلوب حضارى .. مينفعش تقولى رأيك متخلف قدام البنات ... دى كلمة أنا بعاقبهم لما بيقولوها
هو : ايوة رأى متخلف ودة رايى فى كلامك ... ومتخلف دى مش شايف ان فيها حاجة .. دة رايى فى كلامك ... متخلف يعنى رجعى ... ودة رايى فى اللى قلتيه .. يعنى فكرة ان الأطفال لازم ياخدوا لغة تانية دى فكرة قديمة قوى
أنا : من فضلك محبش انهم يرددوا الكلام دة ويقولوه لبعض ومتنساش ان أنا مسئولة عن80% من تربيتهم.
هوبسخرية .. : تربيتهم ... هههههههه .. عشان كدة تربيتهم طالعة .... ههههههه ... طالعة تربية هندى
هنا بقى وكنت جبت آخرى .. فقمت فجاة وقلت له وأنا أقذف خددية الأنتريه اللى كانت على رجلى فى وجهه : ايه القرف دة
ودخلت حجرة نومى وأنا الدموع فى عنية ... بعد شوية هو جه ورايا
هو : مش عارف ليه الجهاز كل شوية يهنج
أنا : انت هتعمل ان محصلش حاجة كالمعتاد ؟؟؟؟ لأ انت غلطت فية واتكلمت معايا بأسلوب مفيهوش احترام
هو : أنا مش شايف ان كلمة متخلف دى فيها حاجة .... انا مش بأشتمك .. أنا بقول واقع
أنا : متتكلمش معايا كدة والمفروض ببساطة ان مراتك لما تقولك ان فى كلمة بتضايقها ترد تقولها انك آسف .. أو على الأقل متفضلش تردد الكلمة عمال على بطال عشان تغيظنى وخلاص ...
هو : برضه مش شايف انا كلمة غلط ولا تضايق فى حاجة دة مجرد رأى مخالف لرأيك اللى انا شايفه متخلف
أنا : انت بتقولها تانى ؟؟؟؟ كنت تحب ان باباك يقول لمامتك كدة؟؟؟ طيب أنا هاكلم أختك أسألها لو جوزها قالها كدة هتعمل ايه
هو : أختى ؟؟؟ أختى اللى جت امبارح هى وجوزها وانتى مكنتيش موجودة؟
أنا : انا برحب بكل ضيوفى وانت عارف ... انت اللى ما قلتليش انها جاية اصلا ... شوف بقى انت بتعمل ايه لما بيكون حد جاى يزورنا من طرفى ؟؟ ... ولا بتهتم ولا بتعبر حد ...
أنا فى صوت خفيض لكن جاد : من فضلك ببساطة نحاول نلتزم قدام البنات عشان ميتعلموش الكلام الوحش وأسلوب الحوار السىء ... رأيى صواب يحتمل الخطأ ورأيك خطأ يحتمل الصواب ... هو دة اللى بعلمهولهم
هو: بتعلميهم ؟؟؟ بتعلميهم ايه ؟؟؟ انت بنتك طالعة قليلة الأدب زيك ... وبتتكلم بعصبية زيك ... انت طول النهار بتزعقى وبنتك شاربة منك قلة الأدب
نزلت كلماته علىَ كالصاعقة ... هذا هو رأيه فى ... هو يرانى أم سيئة وغيرمناسبة للتربية ... هذا هو رايه فى شخصيتى ... لا يرى فى الا العيوب .... انتظرت طويلا لكى أسمع منه كلمة اطراء على مجهودى فى البيت وفى المذاكرة ومع البنات ولكنه سكت دهرا ثم نطق كفرا .... فى الماضى كان ينتقدنى احيانا وكنت اتقبل النقد وأراجع نفسى ... لكنه كان فى الوقت نفسه يثنى على مميزاتى وكنت أتقبل ببساطة نقده .....
قاعدة مع نفسى بفكر وباكتب ودموعى مش عارفة اوقفها
مين اداك الحق انك تهزأنى وتنتقدنى قدام بناتى وكمان تقولى انى ام وحشة وزوجة وحشة ؟؟؟
هو انت اصلا بتقولى حاجة كويسة عشان تقولى حاجة وحشة؟؟؟؟
كلامك معايا بين لى قد ايه انت مش شايفنى ؟؟ قد ايه مش شايف غير عيوب ؟؟؟ ايوة .. انا فعلا بزعق .... هل انا لية تأثير سلبى على بناتى ؟؟؟؟ ..... طيب اخرج من حياتهم أحسن ... اخرج من حياتكوا كلكوا ؟؟؟؟ .... روح بقى اتجوز واحدة تانية تربيهم احسن منى ... بس هل هتحبهم اكتر منى؟؟؟؟
النهاردة كنا قاعدين عادى وكله تمام .. انا وجوزى والبنات
أنا : المدرسة عند البنات بتدى دروس صيفية لغة فرنسية .. ايه رايك نوديهم؟
هو : دة بيقولوا ان نص المدرسة ساقطة فى الفرنساوى
انا : هو دة عيب المدرسة الوحيد ... انهم مش بيدوا اللغة التانية من بدرى .. بيدخلوها فى السنة السادسة .
هو فى عصبية : ايه الرأى المتخلف دة؟؟
اقول وأنا انظر الى البنتين فى خجل : من فضلك خلينا نختلف فى الرأى بأسلوب حضارى .. مينفعش تقولى رأيك متخلف قدام البنات ... دى كلمة أنا بعاقبهم لما بيقولوها
هو : ايوة رأى متخلف ودة رايى فى كلامك ... ومتخلف دى مش شايف ان فيها حاجة .. دة رايى فى كلامك ... متخلف يعنى رجعى ... ودة رايى فى اللى قلتيه .. يعنى فكرة ان الأطفال لازم ياخدوا لغة تانية دى فكرة قديمة قوى
أنا : من فضلك محبش انهم يرددوا الكلام دة ويقولوه لبعض ومتنساش ان أنا مسئولة عن80% من تربيتهم.
هوبسخرية .. : تربيتهم ... هههههههه .. عشان كدة تربيتهم طالعة .... ههههههه ... طالعة تربية هندى
هنا بقى وكنت جبت آخرى .. فقمت فجاة وقلت له وأنا أقذف خددية الأنتريه اللى كانت على رجلى فى وجهه : ايه القرف دة
ودخلت حجرة نومى وأنا الدموع فى عنية ... بعد شوية هو جه ورايا
هو : مش عارف ليه الجهاز كل شوية يهنج
أنا : انت هتعمل ان محصلش حاجة كالمعتاد ؟؟؟؟ لأ انت غلطت فية واتكلمت معايا بأسلوب مفيهوش احترام
هو : أنا مش شايف ان كلمة متخلف دى فيها حاجة .... انا مش بأشتمك .. أنا بقول واقع
أنا : متتكلمش معايا كدة والمفروض ببساطة ان مراتك لما تقولك ان فى كلمة بتضايقها ترد تقولها انك آسف .. أو على الأقل متفضلش تردد الكلمة عمال على بطال عشان تغيظنى وخلاص ...
هو : برضه مش شايف انا كلمة غلط ولا تضايق فى حاجة دة مجرد رأى مخالف لرأيك اللى انا شايفه متخلف
أنا : انت بتقولها تانى ؟؟؟؟ كنت تحب ان باباك يقول لمامتك كدة؟؟؟ طيب أنا هاكلم أختك أسألها لو جوزها قالها كدة هتعمل ايه
هو : أختى ؟؟؟ أختى اللى جت امبارح هى وجوزها وانتى مكنتيش موجودة؟
أنا : انا برحب بكل ضيوفى وانت عارف ... انت اللى ما قلتليش انها جاية اصلا ... شوف بقى انت بتعمل ايه لما بيكون حد جاى يزورنا من طرفى ؟؟ ... ولا بتهتم ولا بتعبر حد ...
أنا فى صوت خفيض لكن جاد : من فضلك ببساطة نحاول نلتزم قدام البنات عشان ميتعلموش الكلام الوحش وأسلوب الحوار السىء ... رأيى صواب يحتمل الخطأ ورأيك خطأ يحتمل الصواب ... هو دة اللى بعلمهولهم
هو: بتعلميهم ؟؟؟ بتعلميهم ايه ؟؟؟ انت بنتك طالعة قليلة الأدب زيك ... وبتتكلم بعصبية زيك ... انت طول النهار بتزعقى وبنتك شاربة منك قلة الأدب
نزلت كلماته علىَ كالصاعقة ... هذا هو رأيه فى ... هو يرانى أم سيئة وغيرمناسبة للتربية ... هذا هو رايه فى شخصيتى ... لا يرى فى الا العيوب .... انتظرت طويلا لكى أسمع منه كلمة اطراء على مجهودى فى البيت وفى المذاكرة ومع البنات ولكنه سكت دهرا ثم نطق كفرا .... فى الماضى كان ينتقدنى احيانا وكنت اتقبل النقد وأراجع نفسى ... لكنه كان فى الوقت نفسه يثنى على مميزاتى وكنت أتقبل ببساطة نقده .....
قاعدة مع نفسى بفكر وباكتب ودموعى مش عارفة اوقفها
مين اداك الحق انك تهزأنى وتنتقدنى قدام بناتى وكمان تقولى انى ام وحشة وزوجة وحشة ؟؟؟
هو انت اصلا بتقولى حاجة كويسة عشان تقولى حاجة وحشة؟؟؟؟
كلامك معايا بين لى قد ايه انت مش شايفنى ؟؟ قد ايه مش شايف غير عيوب ؟؟؟ ايوة .. انا فعلا بزعق .... هل انا لية تأثير سلبى على بناتى ؟؟؟؟ ..... طيب اخرج من حياتهم أحسن ... اخرج من حياتكوا كلكوا ؟؟؟؟ .... روح بقى اتجوز واحدة تانية تربيهم احسن منى ... بس هل هتحبهم اكتر منى؟؟؟؟
هناك 21 تعليقًا:
اهدى بس كده وروقى يا حبيبتى
دى زوبعة فى فنجان
والعصبية مش بتغيب غير الغلط
اوقات كتير السكوت بيكون حل
عارف انه حل صعب بس نتيجته بتكون افضل من الصدام
جوزك زى ما هو واضح كده من النوع اللى مش بيحب حد يراجعه فى كلامه حتى لو كلامه غلط
شخصيته عنيدة ومش بيعترف بخطأه بسهولة
يعنى مينفعش تتعاملى معاه زى ما المفروض الناس تكون
المشكلة انك مش قادرة تتقبلى ده
وبتحاولى دائما وابدا انك تقوميله سلوكه وده بيستفزه ويخليه يتمادى فى اغاظتك ومضايقتك رغم انه من جواه عارف انك صح بدليل انه بييجى يصالحك بس كرامته مش بتقبل انك تعدلى كلامه قدام بناته
مش عايزهم يحسوا انه بيتربى زيهم عشان يقدر يتعامل معاهم ويسمعوا كلامه ويحترموه من غير ما يحسوا ان بابا كمان بيغلط زيهم ولازم يتعاقب
راجعالك تانى عشان دودو عايزنى
سلام مؤقت
معلش حبيبتى دودو كان صاحى من النوم جعان :)
المهم اكملك
لو جينا نتخيل سيناريو تانى للاحداث
على اعتبار ان الموضوع لسه فى بدايته ويدوب انتى قولتيله انه ميصحش يقول الكلمة دى الى اخره
اما انه هيتحرج ويسكت ومنظره كده مش هيبقى حلو قدام البنات .. ومش بعيد كمان البنات يتطاولوا عليه بعد كده
واما انه هيكتم فى نفسه ويطلع غيظه فى بناتك ويقف لهم عالواحدة وهيخلى حياتكوا جحيم لانه هيبتدى بالهجوم دايما على اساس انهخير وسيلة للدفاع
اللى عمله كان رد فعل طبيعى جدا وانتى بتحسسيه انه قدوة سيئة للبنات
كان لازم يجيب الغلط عليكى عشان شكله وكرامته
كلامك ده ...
كلامك معايا بين لى قد ايه انت مش شايفنى ؟؟ قد ايه مش شايف غير عيوب ؟؟؟ ايوة .. انا فعلا بزعق .... هل انا لية تأثير سلبى على بناتى ؟؟؟؟ ..... طيب اخرج من حياتهم أحسن ... اخرج من حياتكوا كلكوا ؟؟؟؟ .... روح بقى اتجوز واحدة تانية تربيهم احسن منى ... بس هل هتحبهم اكتر منى؟؟؟؟
متفكريش فيه تانى خالص خالص
مش كل مشكلة تحصل بين زوجين يبقى الحل خروج احد الطرفين من حياة الاخر
لو على كده مكانش هيبقى فيه اسرة واحدة متكاملة
الحل ايه بقى
انك تهدى خاااااااالص وتروقى اعصابك كده وتفتكرى كل حاجة حلوة فى حياتك وتحمدى ربنا عليها وتدعى ربنا يهديلك جوزك ويهديكى له ويعينك على حسن تربية اولادك
ومتحاوليش تتكلمى فى الموضوع ده تانى ولا تقوليله انت غلطان لان هو الكلمة دى بتستفزه وتخليه يعند زيادة لانه بيحس انك افضل منه او يعنى بالعامى كده " شايفة نفسك عليه وعاملاله ابلة الناظرة اللى ماسكة الخرزانة "
ارضاء الزوج سهل بس لو الزوجة عرفت مفاتيحه
ومفتاح جوزك انك تحسسيه انه افضل منك وبيفكر احسن منك و انك بتتعلمى منه ومن ايده دى لايده دى وكل حاجة لازم تمر عليه الاول قبل ما تتم وخصوصا بالنسبة للبنات
انا جبت ووديت واشتريت وربيت والكلمات اللى بتبتدى بكلمة انا دى حاولى تقلليلها بقدر المستطاع واستبديلها باحنا او انت يعنى لو لزم الامر
هنعمل ايه بس ادى اخرة الجواز
:)
روقى حبيبتى ربنا يصلح حالك ويروق بالك يارب
هو طبعا اللي يقرا كلامك هيقول انه غلطان جدا , بس مش ممكن تكوني بتغلطي بس مش بتاخدي بالك , يتستفزيه , بتعلي صوتك ... خدي بالك الواحد ممكن يكون هو اللي غلطان و ميحسش الا بغلط اللى قدامه
تمناتنا بحياه سعيدة ان شاء الله
هو حضرتك بس اللى بتزعقى ؟
مالبشر كلها بتزعق قدام عيالها والناس عايشة اهه الحمدلله
بس فعلا زى ماقالت حاجات جويا
جوز حضرتك مش بيحب اللى يراجعه
وهو اكيد ميقصدش كلامه انك ام سيئة ومتصلحيش للتربية
ده اكيد مليون فى المية كلام من ورا القلب والعقل
عموما هدى نفسك وبإذن الله هيجي ويعتذرلك ويبوس راسك كمان
ربنا يهديهولك يارب
واسف اذا كنت طولت :)
حاجات جوايا
انتى دايما تعليقاتك عاقلة جدا وبتورينى حاجات انا مش شايفاها
كلامك دايما بيكون موزون وبينتج عن واقع ... بعيد عن اى مجاملة .. لطيف حتى فى النقد
شكرا لنصائحك اللى لما بقراها بحس انى فقت من الوهم اللى بيعمل اكتئاب وبيعطل الحياة
وبجد مش عارفة من غيركوا كنت هأعمل ايه
شارم
انا مش ملاك طبعا وهو مش شيطان لكن انا بأتضايق لما يتجاهل وجود البنات ويهزأنى قدامهم
البنت الكبيرة بعد شوية جتلى وقالتلى بمنتهى البراءة ... متزعليش من بابى يا مامى .. قلتلها مش زعلانة يا حبيبتى
فسألتنى فى جزع ... هو انتى لسة بتحبى بابى؟؟؟ ... أشعر بالأسى من أجلهم لما يسألونى أسألة زى دى وعلى وجوههم الرعب
البنات بييجى يعتذروا لى على أخطاء أبوهم اللى دايما بقولهم عنه انه احسن وأحلى اب وزوج فى العالم
لكن عموما انت ممكن يكون عندك حق برضه .. هأحاول أراجع نفسى فى الأشياء التى تستفزه وان كنت كتير بأتفاجىء بيها من حيث لا أحتسب
شكرا للزيارة
فولتا
انت وحاجات جوايا من الناس اللى بأستنى تعليقاتهم بفارغ الصبر وطالما اتفقتوا على نفس الرأى فدة يؤكد على صحة رأيكم
انا قرأت تعليقاتكم انتوا الإتنين كذا مرة
شكرا لمجاملتك ... فعلا كل الناس بتزعق بس كنت اتمنى اكون أم أحسن من كل الأمهات
شكرا لزيارتك و وقتك وفكرك اللى بيساعدونى كتير فى حياتى
انا بجد حاسة انى أكثر هدوءا بعد تعليقك
ألف ألف شكر يا فولتا
ميرسى يا قمر جدا على ثقتك فى رأيى
وعايزة اوضح انى مش بنقدك ابدا
أنا بحاول بس اخليكى تبصى عالموضوع من بره
يارب تكونى النهارده احسن
ربنا يسعدك يارب ويباركلك فى زوجك وبناتك
دمتى بكل الخير والهنا
بصي و الله البوست استفزني انا شخصيا ، بس مش عارف اقولك ايه و ده اللي غايظني اكتر ، ده جواز يا جماعة و اي خلاف فيه بيبقا اسمه لعب عيال و عدم تقدير للمسئولية ، بجد كان نفسي الاقي رد أو نصيحة بس انا غير مؤهل و بوجه عام حتي لو كنت مؤهل مكنتش هعرف الاقي كلام ، كلامك رده الدموع و بس ، معلش نكدت عليكي بس ربنا صبور حليم...
تحياتي...
المستفز
شكرا لتعليقك وتعاطفك .. اهى ماشية وخلاص ..يوم بنفرح و100 بنبكى
شكرا لمرورك
في البداية حدعلكم بالهداية والألفة بينكم
أنا حشترك مع (حاجات جوايا) في كتير من كلامها وخاصة في :
(ارضاء الزوج سهل بس لو الزوجة عرفت مفاتيحه
ومفتاح جوزك انك تحسسيه انه افضل منك وبيفكر احسن منك و انك بتتعلمى منه ومن ايده دى لايده دى وكل حاجة لازم تمر عليه الاول قبل ما تتم وخصوصا بالنسبة للبنات)
وده يدي نفس المعني ألي وضحتهولك قبل كده بأن مينفعش الست تبقي زي الراجل لأن طبيعة الخلق جعل فيها الله القوامة للرجل ولازم الرجل يحس بالقوامة دي في كل حاجة حتي في الأمور البسيطة جدا لأنة لو مكنش كده يبقي مش طبيعي
حضيف حاجة أخيرة للتذكرة
مفيش حياه قائمة بين شخصين مهما كانت طبيعة العلاقة أو الحب أو الإتفاق بينهم وإلا وفيها خلافات ومنازعات لأنهم في الاخر ومهما يكن شخصين مختلفين
والخلاف والخناق في حد ذاتة مش وحش بل ضروري للحياه يعني زي مبيقولوا كده بالبلدي فلفل الحياه بدونة مش حتمشي الحياه
لأنك لو فكرتي حتلاقي أن الألم هو سر المتعة وبدون الألم مش حنعرف يعني أيه راحة ومتعة
السقا
السقا
فعلا انا بحاول ادخله فى امور البنات دايما لكنه كتير بيقولى متوجعيش دماغى واتصرفى انتى .. التربية مسئولية الأم
وفعلا بحسسه انه اجمل حاجة فى حياتى وانه واااااو .. ورائع ... وحبيبى
لكن هو مش بيتجاوب عادة فبقيت بخيلة شوية .. وقد ما يدينى بأديه ... لأ أكتر شوية والله
الراجل قوام على المرأة بما أنفق مش بأى حاجة تانية والقوامة ليس معنها انه الأفضل لكنا معناه المسئولية وغالبا لا يتحمل الرجال السئولية كما تظن يا سقا ... لأ دة الست بقت هى الأم والأب وبتشتغل وتذاكر للعيال وتغسل وتمسح وفى الآخر مفيش حتى شكر وكل اللى بنسمعه ان الرجال قوامون على النساء
لكنى اعتقد ان الست مساوية تماما للرجل بل انها امهر منه فى التعامل مع الأسرة والمشكلات الإجتماعية
شكرا لك يا سقا على حرصك على الزيارة
أعوذ بالله من الشيطان الرجيم
{ الرجال قوامون على النساء بما فضل الله بعضهم على بعض وبما أنفقوا من أموالهم فالصالحات قانتات حافظات للغيب بما حفظ الله واللاتي تخافون نشوزهن فعظوهن واهجروهن في المضاجع واضربوهن فإن أطعنكم فلا تبغوا عليهن سبيلا إن الله كان عليا كبيرا }
صدق الله العظيم
قوام تعنى أنه أمين عليها يتولى أمرها ، ويصلحها في حالها، وعليها له الطاعة
{ بما فضل الله بعضهم على بعض } : المعنى إني جعلت القوامية على المرأة للرجل لأجل تفضيلي له عليها ، وذلك لثلاثة أشياء :
الأول : كمال العقل والتمييز
الثاني : كمال الدين والطاعة
الثالث : بذله المال من الصداق والنفقة
فليس قوامة الرجل في الإسلام قوامة السطوة والاستبداد والقوة والاستعباد ، ولكنها قوامة التبعات ، والالتزامات والمسؤوليات ، قوامة مبينة على الشورى والتفاهم على أمور البيت والأسرة ، قوامة ليس منشؤها تفضيل عنصر الرجل على عنصر المرأة ، وإنما منشؤها ما ركب الله في الرجل من ميزات فطرية ، تؤهله لدور القوامة لا توجد في المرأة ، بينما ركب في المرأة ميزات فطرية أخرى ، تؤهلها للقيام بما خلقت من أجله ، وهو الأمومة ورعاية البيت وشؤونه الداخلية.
وبكده تبقة القوامة مش في الانفاق بس وفكرة المرأه مساوية للرجل تمامادي فكرة مخالفة للفطرة والطبيعة لم ولن تتحقق مهما حدث دا من حيث موضوع القوامةوالمساواه
أما عن علي كلامك
لكن هو مش بيتجاوب عادة فبقيت بخيلة شوية .. وقد ما يدينى بأديه ...
متتوقعيش من جوزك ولا من اي راجل في الدنيا أنه يديلك زي ما بتدية لان ألي عندك من حنان وعاطفة مش عنده بنفس الدرجة (لأننا أتفقنا أنتم مش زي بعض)وحتي لو في البداية كان بيبادلك بنفس الدرجة كان بيعمل كده علي غير طبيعتة لإحتياج الموقف وبالضروري أنه مع الوقت يعود لطبيعتة
لذلك مش لازم تتخذي الندية والمقابلة في العطاء نظام لحياتك مع من تحبين أعطي ثم اعطي ثم اعطي ما حييتي طالما مازلتي تحبيه وإن لم يعطيك شئ مقابلة فهو في حاجة لعطائك ده فوق ما تتخيلي وإن لم يظهر فأنت مصدر الحب والحنان والمشاعر فإن بخلتي عليه بها ونضب وجف المنبع فأين يجدة
تمنياتي بالتوفيق
السقا
والله دى فكرة كويسة خالص
طيب ... لما هو الراجل الأكثر تمييزا ورجاحة عقل وذكاء وقربا من الله فى الطاعة وخلافه ... بتطلبوا مننا ليه نبقى عباقرة ونعمل كل حاجة فى الدنيا
دى حاجة جميلة جدا ... انا من النهاردة هبقى الجنس الأدنى ... وفى هذه الحالة هيبقى مطلوب من الجنس الأعلى انه يوجه الجنس الأدنى ويقوده وكمان ياخده على قد عقله ويداديه زى العيال الصغيرة
هو ينفع ان التلميذ يبقى فى مقدرة الأستاذ؟ هو ينفع اننا نطلب من الأقل انه يبقى مش متخلف؟؟؟
احنا فعلا الجنس الأدنى ... البسوا بقى
شكرا على الفكرة الرائعة ... هقوم أنفذ حالا
(البسوا بقى)!!!!
مكنتش أفتكر أن عصبيتك توصلك للحوار بالشكل ده
وواضح أنك مقرتيش كويس ألي أنا كتبتة الي هو مش كلامي ولكنه كلام علماء الدين في تفسير الأيه
حكرر لك جزء من الكلام:
(فليس قوامة الرجل في الإسلام قوامة السطوة والاستبداد والقوة والاستعباد ، ولكنها قوامة التبعات ، والالتزامات والمسؤوليات ، قوامة مبينة على الشورى والتفاهم على أمور البيت والأسرة ، قوامة ليس منشؤها تفضيل عنصر الرجل على عنصر المرأة ، وإنما منشؤها ما ركب الله في الرجل من ميزات فطرية ، تؤهله لدور القوامة لا توجد في المرأة ، بينما ركب في المرأة ميزات فطرية أخرى ، تؤهلها للقيام بما خلقت من أجله ، وهو الأمومة ورعاية البيت وشؤونه الداخلية)
لو كنتي فهمتي الكلام ده مكنش حيبقة في داعي للكلام الي قلتية من جنس أعلي وادني والتخاريف دي فكلنا عباد الله خلق كل شئ بتقدير لتتناسب صفاتة مع ما هو مطلوب منه دون تمييز ولا أفضلية لشئ عن شئ
صدقيني لو حولتي تخرجي بتفكيرك وقنعاتك الشخصية عن تعاليم الله أكيد حتفشلي وحتتعسي في حياتك سواء فيما يتعلق بالموضوع ده أو غيرة
لأن الله أدري بنا منا فهو من خلقنا
حديكي مثال ولله المثل الأعلي
لو أشتريتي جهاز جديد اول حاجة بتعمليها أنك بتقري المانيول بتاعة الكتالوج عشان تعرفي طريقة تشغيلة ونواهي التشغيل ووصاي الحفاظ علية
طب لية دا كله ما أنا ممكن اشغلوا بمعرفتي , لا لأن الي مصنعة هو الي عارف وادري بيه منا أيه الي ينفعة وايه ألي يضرة وايه أوجة الخلاف بينة وبين غيرة وأيه الي مطلوب منه بناء علي طريقة تصنيعة
وبعدها بيكون أدامك خيرين أما أنك تلتزمي بالتعليمات دي فيعيش الجهاز ويديك أفضل نتائج وإما أن تتجاهليها وتنفذي الي في دماغك وسعتها الجهاز حيعطل بسرعة جدا ومش حيقدر يقدم المطلوب منه
نحن ايضا لنا خالق يعرف كيف ركبنا والغرض من هذا التركيب كل حسب مواصفاتة وأنزل لنا كتالوج كيفية معيشتنا والهدف منها وكيفية الأداء كل شئ بمنتها التفصيل في الكتب السماوية وارسل من يشرحها لنان وهم الرسل والأنبياء
والأن أمامك الأختيار
السقا
أظن انك مضغوطه نفسيا"
كله عليك
ماما وطباخه ومدرسه وأكيد سواقه وأكيد مكوجى
اللى هو بتعملى كل حاجه ..وأى حاجه
زوجه وأم ومدرسه وطباخه وسواقه..وكله كله
ه مخليك تعبانه ومش مستحمله
طبعا انا فاهمه ومتأكده من صدق كلامك لان ده (زوجك) هو كل الرجال
كلهم بينتقدوا بشكل عادى..وشايفين أى مجهود هو ولا شئ
وانهم هما اللى تعبانين بس
فخلاص كبرى
نيجى لنقطه انه قال كلمه مش لائقه
الحل يعنى وعن خبرة سنوات
انك لما تسمعى كلام مش لائقه
متعلقيش عليه وقمى اعملى أى حاجه
علشان ميعملش تأكيد على الكلمه والبنات ياخدوا بالهم
وتتسألى هو بابا وحش
هو بابا شرير...هو ليه كده
الخلاصه..لما تلاقى الامور هتتأزم امشى وابعدى
مش هيتغير..ومش هينوبك غير التوتر والعصبيه
وبما ان رأيك مش بيعجبه..مش تتناقشى معاه
وهو سؤال عاوزين كذا ينفع لاء طيب خلاص
ريحى دماغك
بس فى حاجه علشان الانصاف
ممكن يكون مش بتختارى الوقت تتكلمى فيه
يعنى اديه عذره ..وابعدى عن انه يتخطى الخطوط الحمراء قدام البنات خاصة
وربنا يقدر لك الخير
السقا
مين قال لحضرتك انى مسلمة أساسا عشان تنصحنى بالدين والقرآن؟؟؟؟؟
ارجو ان النصائح والعليقات تكون فى حدود البوست المكتوب وبعيدا عن تفسيرات الدين لأننا كلنا بشر واللى ينفع معايا ينفع مع غيرى بغض النظر عن الديانة واللى جربوه الناس برة وهمة مش مسلمين نفع برضه واتقدموا رغم انهم مش مسلمين ومحدش قال ان كل حاجة لازم تمشى بالدين دة حتى النبى محمد عليه السلام قال انتم اعلم بأمور دنياكم وللعلم والفطرة والتجربة الحية مكانة تعترف بها الآديان
مش فاهمة بقى .. مش عارفة ... غبية تقول او ذكائى محدود لمجرد انى مش مقتنعة بوجهة نظرك ... يبقى ألف شكر متتعبش نفسك معايا تانى
أم البنات
انتى أم البنات زيى بالظبط وانا فعلا بأشتغل سواق يا ست هانم رايحة جاية على النادى عشان التمارين
وبأشتغل طباخة طبعا وييجى البيت ميعجبهوش اللى عاملاه النهاردة يقوم يطلب أكل من برة والعيال تغضب على الاكل زى أبوهم ومقتحش بقى
دة غير التدريس والمذاكرة ويجيلهم فى الآخر هدايا للنجاح وأنا ما أسمعش كلمة شكر
وشخط ونطر و شتيمة ومش من حقى اتكلم والا ابقى نكدية
وغيره وغيره وغيره ..
نصيحتك بخصوص انى ما أعلقش لما يقول كلام بايخ حطيتها حلقة فى ودنى وشكرا بجد لأنك لفتى نظرى لنقطة ان البنات مش هياخدوا بالهم الا لو انا علقت ... كلامك صح مليون فى المية
شكرا ليكى قوى يا أم البنات
أسف لو كان تعليقاتي ازعجتك واوعدك مش حتتكرر
بس قبل ده حقولك حاجة مش عشان أقنعك ولكن ردا علي كلامك أولها (حولي تكوني أكثر تعمقا في معرفة أي معلومة بتعرفيها)
و إلي قلك أن الي جربوة الناس برة ناجح ضحك عليكي إلا إذا كان تصورك أن (الست لما تكون متزوجة ولها بوي فرند و الراجل المتزوج له جرل فرند وان لما البنت تبلغ تجيب صديقها ينام معاها في بيت أهلها وان لما الأبن و البنت يكبوا يتركوا أهلهم وتعيشوا يأكلوا ويشربوا ويمارسوا الجنس في الشوارع مثل الكلاب بالإضافة للتفكك الأسري والضياع الأخلاقي و أعلي معدل للأمراض النفسية و أعلي معدلات الإنتحار واعلي نسب اطفال مجهولين النسب وغيرة وغيرة الناتج عن افكار لا لها علاقة لا بدين ولا فطرة) لو بتعتبري أن ده تقدم يبقة عندك حق
أنا منكرش أنهم تفدموا في بعض الأمور بس ده ميعنيش أنه نجاح أو حضارة لأننا عشان نتكلم عن تقدم أو حضارة يبقة نتكلم عن حضارة المسلمين فى الأندلس الي عاشت 800 سنة وعلمت العالم كلة بما فيهم الناس ألي برة ألي كانو لسة بيعبودا القطط وعاشت 800 سنة لما كان الناس بتطبق تعاليم دينها وانهارت واستمرت في الأنهيار حتي يومنا هذا لما الناس بعدت عن دينها وتصوروا ان الدين ملوش دعوة بالدنيا زي حضرتك
تقدري بقة تقوليلي حضارة الناس الي برة دول بقلها أد أيه وحتعيش أد ايه وحتكون أية جمب حضارة مثل حضارة الأندلس ؟ ولا حاجة زهو مؤقت بدأ في الإنهيار وخيبة الأمل أشتراكية ولا رأس مالية ولا غيرها في الأخر رجعوا وبيحولوا ويدورا علي أصولهم ألي تعلموا منها الاقتصاد الإسلامي وبيحولوا يطبقوا ولكن حيكون بأسم تاني طبعا
أنا عشت في بلاد الناس الي برة إلي عجبينك دول عشرتهم وكنت واحد بينهم وأعرف عنهم ألي أنت متعرفهوش غير من الأفلام الاجنبية او من فسحة أجازة عندهم أسبوع ولا أتنين
صدقيني هم منجحوش زي ما انت متصورة
ونفسهم يبقى عندهم ذي الي عندنا بس أحنا للأسف ديما بنشوف ألي هم عوزينا نشوفوه
للأسف يا مدام التفاحة الي عجباك من برة معفنة من جوة
أما عن حديث (انتم اعلم بأمور دنياكم) وبالرغم من الأختلاف حول إسنادة إلا إن لمقصود بية مش كده خالص أقري شروح الأحاديث وأفهمي وكفاية سطحيه في الفهم
أما كونك مسلمة أو مش مسلمة فلا تفرق لأني ما اتكلم فية لا أختلاف فية بين الأديان أرجعي لدينك اي كان وانت تعرفي
السقا
السلام عليكِ
أهديكِ هذا الكتاب حاولي الحصول عليه واهديه لزوجك المصون
أخلاقنا الاجتماعية
للدكتور مصطفى السباعي
رحمه الله وغفر له
إرسال تعليق