اليوم الأول
أول امبارح قمت بعد البنات ما ناموا اخدت شاور وتعطرت ولبست قميص نوم أخضر طويل وجميل
طلعت وأنا مزة مزة يعنى ....
هو قاعد و وشه فى الحيطة ... قصدى فى التليفزيون كعادته بيلعب جيمز على البلاى ستيشن ...
أروح وآجى وهو ولا هو هنا ... سكتت وقعدت على الكمبيوتر واستنيت يمكن ياخد باله
لكن ما أخدش باله ولا أخد أى حاجة وقام فجأة متجها للسرير فى الرابعة صباحا بعدما نسيت انا لابسة كدة ليه أساسا
وعلى ما دخلت كان بيشخر وكأنه فى اغماء مفاجىء
**********************
اليوم الثانى
قمت خدت شاور وتعطرت وحطيت كريم له رائحة الفاكهة (عارفة انه بيحبه)
ولبست بقى النهاردة قميص أسود قصير .. ايوة هو بيحب اللون الأسود علية ...
طلعت من الحجرة ... وقعدت على الكمبيوتر وطبعا هو وشه فى الحيط ومش شايفنى ... قصدى فى البلاى ستيشن
قلت نبهيه يا بت وقومى وريله نفسك شوية .... قمت رحتله وقلتله .. تحب أعملك حاجة تشربها؟
نظر لى نظرة سريعة وقال ... اعمليلى كاكاو !!!!!!
عملتله الكاكاو وكلى أمل ... وجيت قعدت اتفرج على التليفزيون ...
واحد يسألنى تتفرجى ازاى وهو قاعد يلعب عليه ... اقوم اقوله لأ ... هو عنده تليفزيون مخصوص للعب
هعهعهعهعهعهع .. مش بقولكوا ادمان
فضلت قاعدة ... قاعدة ... قاعدة ... لدرجة فكرتنى بتنظيم القاعدة وكنت على وشك انى اكون تنظيم ارهابى حريمى يفجر الشركة المتخصصة فى تصنيع البلاى ستيشن وشركات الجيمز بجميع انواعها
فتحت عنية لقيته بيقولى ياللا عشان داخل انام ... بصيت فى الساعة لقيتها برضه 4 صباحا
قمت على السرير طوالى وأنا طبعا طبعا طبعا ... نسيت كنت عايزة ايه ولابسة كدة ليه ؟
*********************************
أكيد فى حاجة غلط فية ... هو انا مش ملفتة ولا ايه ؟؟؟ انظر الى المرآة واتفحص وجهى وجسدى
يمكن تخنت شوية .... ايوة انا تخينة ... انا دبةااااااااااااااااا .. انا فييييييييييييل
اتصل بصديقتى اللى بتعمل رجيم على طول ...
أنا : هو ليه انتى مش صديقة صدوقة؟؟؟
هى: ليه حصل ايه بس؟
أنا : انتى ليه مقتليش انى بقيت تخينة ومفشكلة؟
هى : تخينة ازاى يعنى ؟؟؟؟ هو انتى وزنك يلحق يزيد من يوم الجمعة ليوم الإتنين أنا لسة شايفاكى الجمعة وكنتى زى ما انتى
أنا : انتى لا تصدقينى القول ... انا زدت 10 كيلو من يوم ما اتجوزت وانتى عارفة كدة ولازم تساعدينى اخس شوية .. اشمعنى انتى بتعملى رجيم طول حياتك ... عايزة تخسى لوحدك وانا افضل زى الفيل
هى : فيل ؟؟؟؟؟؟؟؟؟؟؟؟؟ .... انت اكيد جرى لمخك حاجة .. انتى لما اتجوزتى كان وزنك كام؟؟
أنا : كنت 48 كيلو
هى : يعنى كنتى برص ..... ولما خلفتى بنتك الكبيرة ... زدتى قد ايه؟؟
أنا : بقيت 54 كيلو
هى : يعنى بقيتى سلعوة ... وبعد البنت التانية؟؟؟
أنا : بقيت 58 كيلو وبقيت تخينة وعجلة وعايزة رجيم من بتاعك ضرورى .... اهىء اهىء اهىء
هى : بقولك ايه انا فية اللى مكفينى .. انتى مكلمانى تحرقى دمى ... انا وزنى 95 كيلو وكل حربى مع السمنة وانتى جاية تتريقى علية وتقوليلى 58 كيلو يبقى فيل ؟؟؟ امال انا ابقى ايه ؟؟؟؟ حوت؟؟؟؟ خرتيت ؟؟؟؟ انا مش عايزة اتكلم معاكى خالص دلوقتى أحسن شكلنا هنخسر بعض ... باى باى يا فيل؟؟ وخلى بالك احسن الأوضة تقع بيكى على الجيران .... دى حااااااااجة تفلق ... وتنغلق السماعة .
*******************************
قمت ابص فى المراية تانى ... آه فعلا انا مش تخينة ... لكن انا كبرت فى السن ... ادقق فى المرآه وانظر تحت عينى لأجد خطوطا دقيقة
يا نهار اسود ... انا عجزت ... انا بقيت عجوزة ومكرمشة
طلعت لجارتى اللى على طول بتعمل عمليات تجميل وحقن بوتوكس وفيللرز وكريمات مخصوص من برة ومن جوة
أنا : عند مشكلة محدش هيساعدنى فيها غيرك
هى : خير
اضىء نور الرسيبشن وأقترب منها : بصى انا عجزت ازاى؟
هى : ازاى؟؟؟؟؟؟؟؟؟؟
أنا : بصى بس تحت عنية ... بصى على الجفن الصغير تحت العين وهتشوفى بنفسك
هى : ممكن تستخدمى كريمات للعين عشان تمنع ظهور التجاعيد بس انا مش شايفة حاجة
أنا : مش شايفة ازاى يعنى ؟؟؟؟ انتى مش عايزة تساعدينى ولا ايه؟؟ انا عايزة اروح للدكتور بتاعك يعملى شد وش
هى : شد ايه بس يا بنتى ؟؟؟؟ ومش هأعوز اساعدك ليه؟؟؟ بس كل الحكاية ان لسة بدرى عليكى ... أنا أكبر منك بييجى 10 سنين ولو ان دة حاجة مش مفروض اقولها بس هى دى الحقيقة .... انتى كويسة ولسة بدرى على الكلام دة .. واوعدك لما ييجى وقته اقولك بنفسى
********************
اليوم الثالث
اخدت شاور ... رشيت جسمى كله بالبارفان العزيز الغالى ... وكريمات برائحة الفراولة .. مانيكير وباديكير ... ماكياج وروج احمر ملعلع يليق بالقميص الأحمر الحرير ابو دانتيل اوف وايت اللى جابهولى من باريس عاصمة النور والحب
ابتسم وانا اتخيله لما يشوفنى لابساه ..... اصله بيموت فية وانا لابساه
اخرج له وهو ما زال جالسا كأبو الهول .. والله ممكن ابو الهول ياخد باله بس هو لأ
تشرب حاجة يا حبيبى ؟؟؟(بصوت ناعم يخلى الحمار يفهم)
هو بدون ان يرفع عينه من على الشاشة امامه : هاتيلى ريدبول
اجرى اجيبه بسرعة ... واقول لنفسى اكيد اخد باله بس تقلان ... مشروب الطاقة ريدبول اكيد هيسوى الهوايل
اقعد شوية على الكمبيوتر قال يعنى تقلانة .... بعد ساعة قمت قعدت قدام التليفزيون ... بعد شوية قمت قعدت فى البلكونة
بعد شوية قمت قعدت على ايد الكرسى اللى هو قاعد عليه بيلعب
ولا حياة لمن تنادى
خلاص بقى ... مبدهاش ... لازم اقوله
أنا : احنا مش هنقوم ننام ولا ايه؟
هو : لأ مش هأنام دلوقتى ... انا بحاول اعدى الليفل فى الجيم الجديدة دى
أنا : طيب ما تعدى الليفيل دة بكرة .... هو لازم النهاردة يعنى؟؟؟ أمال الريدبول كان عشان ايه؟
هو بعصبية : كان عشان اعرف اسهر واخلص الليفل ...... قومى من جنبى بقى ... مش عارف أركز ....
أول امبارح قمت بعد البنات ما ناموا اخدت شاور وتعطرت ولبست قميص نوم أخضر طويل وجميل
طلعت وأنا مزة مزة يعنى ....
هو قاعد و وشه فى الحيطة ... قصدى فى التليفزيون كعادته بيلعب جيمز على البلاى ستيشن ...
أروح وآجى وهو ولا هو هنا ... سكتت وقعدت على الكمبيوتر واستنيت يمكن ياخد باله
لكن ما أخدش باله ولا أخد أى حاجة وقام فجأة متجها للسرير فى الرابعة صباحا بعدما نسيت انا لابسة كدة ليه أساسا
وعلى ما دخلت كان بيشخر وكأنه فى اغماء مفاجىء
**********************
اليوم الثانى
قمت خدت شاور وتعطرت وحطيت كريم له رائحة الفاكهة (عارفة انه بيحبه)
ولبست بقى النهاردة قميص أسود قصير .. ايوة هو بيحب اللون الأسود علية ...
طلعت من الحجرة ... وقعدت على الكمبيوتر وطبعا هو وشه فى الحيط ومش شايفنى ... قصدى فى البلاى ستيشن
قلت نبهيه يا بت وقومى وريله نفسك شوية .... قمت رحتله وقلتله .. تحب أعملك حاجة تشربها؟
نظر لى نظرة سريعة وقال ... اعمليلى كاكاو !!!!!!
عملتله الكاكاو وكلى أمل ... وجيت قعدت اتفرج على التليفزيون ...
واحد يسألنى تتفرجى ازاى وهو قاعد يلعب عليه ... اقوم اقوله لأ ... هو عنده تليفزيون مخصوص للعب
هعهعهعهعهعهع .. مش بقولكوا ادمان
فضلت قاعدة ... قاعدة ... قاعدة ... لدرجة فكرتنى بتنظيم القاعدة وكنت على وشك انى اكون تنظيم ارهابى حريمى يفجر الشركة المتخصصة فى تصنيع البلاى ستيشن وشركات الجيمز بجميع انواعها
فتحت عنية لقيته بيقولى ياللا عشان داخل انام ... بصيت فى الساعة لقيتها برضه 4 صباحا
قمت على السرير طوالى وأنا طبعا طبعا طبعا ... نسيت كنت عايزة ايه ولابسة كدة ليه ؟
*********************************
أكيد فى حاجة غلط فية ... هو انا مش ملفتة ولا ايه ؟؟؟ انظر الى المرآة واتفحص وجهى وجسدى
يمكن تخنت شوية .... ايوة انا تخينة ... انا دبةااااااااااااااااا .. انا فييييييييييييل
اتصل بصديقتى اللى بتعمل رجيم على طول ...
أنا : هو ليه انتى مش صديقة صدوقة؟؟؟
هى: ليه حصل ايه بس؟
أنا : انتى ليه مقتليش انى بقيت تخينة ومفشكلة؟
هى : تخينة ازاى يعنى ؟؟؟؟ هو انتى وزنك يلحق يزيد من يوم الجمعة ليوم الإتنين أنا لسة شايفاكى الجمعة وكنتى زى ما انتى
أنا : انتى لا تصدقينى القول ... انا زدت 10 كيلو من يوم ما اتجوزت وانتى عارفة كدة ولازم تساعدينى اخس شوية .. اشمعنى انتى بتعملى رجيم طول حياتك ... عايزة تخسى لوحدك وانا افضل زى الفيل
هى : فيل ؟؟؟؟؟؟؟؟؟؟؟؟؟ .... انت اكيد جرى لمخك حاجة .. انتى لما اتجوزتى كان وزنك كام؟؟
أنا : كنت 48 كيلو
هى : يعنى كنتى برص ..... ولما خلفتى بنتك الكبيرة ... زدتى قد ايه؟؟
أنا : بقيت 54 كيلو
هى : يعنى بقيتى سلعوة ... وبعد البنت التانية؟؟؟
أنا : بقيت 58 كيلو وبقيت تخينة وعجلة وعايزة رجيم من بتاعك ضرورى .... اهىء اهىء اهىء
هى : بقولك ايه انا فية اللى مكفينى .. انتى مكلمانى تحرقى دمى ... انا وزنى 95 كيلو وكل حربى مع السمنة وانتى جاية تتريقى علية وتقوليلى 58 كيلو يبقى فيل ؟؟؟ امال انا ابقى ايه ؟؟؟؟ حوت؟؟؟؟ خرتيت ؟؟؟؟ انا مش عايزة اتكلم معاكى خالص دلوقتى أحسن شكلنا هنخسر بعض ... باى باى يا فيل؟؟ وخلى بالك احسن الأوضة تقع بيكى على الجيران .... دى حااااااااجة تفلق ... وتنغلق السماعة .
*******************************
قمت ابص فى المراية تانى ... آه فعلا انا مش تخينة ... لكن انا كبرت فى السن ... ادقق فى المرآه وانظر تحت عينى لأجد خطوطا دقيقة
يا نهار اسود ... انا عجزت ... انا بقيت عجوزة ومكرمشة
طلعت لجارتى اللى على طول بتعمل عمليات تجميل وحقن بوتوكس وفيللرز وكريمات مخصوص من برة ومن جوة
أنا : عند مشكلة محدش هيساعدنى فيها غيرك
هى : خير
اضىء نور الرسيبشن وأقترب منها : بصى انا عجزت ازاى؟
هى : ازاى؟؟؟؟؟؟؟؟؟؟
أنا : بصى بس تحت عنية ... بصى على الجفن الصغير تحت العين وهتشوفى بنفسك
هى : ممكن تستخدمى كريمات للعين عشان تمنع ظهور التجاعيد بس انا مش شايفة حاجة
أنا : مش شايفة ازاى يعنى ؟؟؟؟ انتى مش عايزة تساعدينى ولا ايه؟؟ انا عايزة اروح للدكتور بتاعك يعملى شد وش
هى : شد ايه بس يا بنتى ؟؟؟؟ ومش هأعوز اساعدك ليه؟؟؟ بس كل الحكاية ان لسة بدرى عليكى ... أنا أكبر منك بييجى 10 سنين ولو ان دة حاجة مش مفروض اقولها بس هى دى الحقيقة .... انتى كويسة ولسة بدرى على الكلام دة .. واوعدك لما ييجى وقته اقولك بنفسى
********************
اليوم الثالث
اخدت شاور ... رشيت جسمى كله بالبارفان العزيز الغالى ... وكريمات برائحة الفراولة .. مانيكير وباديكير ... ماكياج وروج احمر ملعلع يليق بالقميص الأحمر الحرير ابو دانتيل اوف وايت اللى جابهولى من باريس عاصمة النور والحب
ابتسم وانا اتخيله لما يشوفنى لابساه ..... اصله بيموت فية وانا لابساه
اخرج له وهو ما زال جالسا كأبو الهول .. والله ممكن ابو الهول ياخد باله بس هو لأ
تشرب حاجة يا حبيبى ؟؟؟(بصوت ناعم يخلى الحمار يفهم)
هو بدون ان يرفع عينه من على الشاشة امامه : هاتيلى ريدبول
اجرى اجيبه بسرعة ... واقول لنفسى اكيد اخد باله بس تقلان ... مشروب الطاقة ريدبول اكيد هيسوى الهوايل
اقعد شوية على الكمبيوتر قال يعنى تقلانة .... بعد ساعة قمت قعدت قدام التليفزيون ... بعد شوية قمت قعدت فى البلكونة
بعد شوية قمت قعدت على ايد الكرسى اللى هو قاعد عليه بيلعب
ولا حياة لمن تنادى
خلاص بقى ... مبدهاش ... لازم اقوله
أنا : احنا مش هنقوم ننام ولا ايه؟
هو : لأ مش هأنام دلوقتى ... انا بحاول اعدى الليفل فى الجيم الجديدة دى
أنا : طيب ما تعدى الليفيل دة بكرة .... هو لازم النهاردة يعنى؟؟؟ أمال الريدبول كان عشان ايه؟
هو بعصبية : كان عشان اعرف اسهر واخلص الليفل ...... قومى من جنبى بقى ... مش عارف أركز ....
انتى مش شايفانى بحاااااااااااول اجييييييييييييب سكوووووووووووووووووووووووووووووور
أنا بصوت أقرب الى الصراخ : وهو انت يعنى مش شايفنى بقالى 3 ايام على التوالى بحااااااااااااااااااااااااااااااااااااااااااول أجيييييييييييييييييييييييييب سكووووووووووووووووووووووووووووووووور اهم من السكوووووووووووووووووور بتاعك ميت مرة
هو (وشه لسة فى الشاشة) : طيب طيب فهمت .... خشى انتى اجهزى وانا هأخلص وهآجى على طول
دخلت الأوضة .... رزعت الباب بشدة .... قفلت بالمفتاح ........... وهو نام فى اوضة البنات
**********************************
اليوم الرابع
كله تمام ومية مية :)
أنا بصوت أقرب الى الصراخ : وهو انت يعنى مش شايفنى بقالى 3 ايام على التوالى بحااااااااااااااااااااااااااااااااااااااااااول أجيييييييييييييييييييييييييب سكووووووووووووووووووووووووووووووووور اهم من السكوووووووووووووووووور بتاعك ميت مرة
هو (وشه لسة فى الشاشة) : طيب طيب فهمت .... خشى انتى اجهزى وانا هأخلص وهآجى على طول
دخلت الأوضة .... رزعت الباب بشدة .... قفلت بالمفتاح ........... وهو نام فى اوضة البنات
**********************************
اليوم الرابع
كله تمام ومية مية :)
هناك 19 تعليقًا:
ازيك ياست الكل ؟
بوست ظريف اوى :)
نصيحة فى الخباثة كده يعنى
فى مثل ظريف اسمه
" فرق تسد "
فرقى بينه وبين البلاى ستيشن ولو مؤقتا وهيخلالك الجو D:
خبى ريموت التليفزيون او السلك مثلا او شيلى الاسطوانة ..اى حاجة يعنى تتشال وقت اللزوم وتتحط تانى بعدها
,
بوست مضحك جداً
خلتينى اكركع وانا مليش نفس
تحياتى ليكى ياست زوجة :)
لاحياة مع الياس ولا حياة لمن تنادى
ههههههههه 58كيلو؟!!!!!!!!!!!!!!
دانت عملة نادرة ....تعالى شوفى اللى عندنا...الواحدة تتجوز وهى زى النسمة وسنة بالظبط تلاقيها بقت حجم عائلى
بالنسبة للجيمز مش هتعرفى تتغلبى عليها غير لما تتعليميها وتشاركيه فيها
ادمان الجيمز ده حاجة صعبة انا ايام المدينة الجامعية كنت بفضل العب 8ساعات ورا بعض كل يووووووووووم
هههههههههههههه
بلاش تريقة علي البلاي استيشن لو سمحت
حقك اه
بس لا الا البلاي استيشن
تقدري تحرمي ست من الكوافير و الحاجات اللي بتعملها دي اهو البلاي استيشن و احيانا الشيشة عندنا الرجالة كده :)
علي فكرا
لاذم نعمل حزب نسميه لااااااااااااااااااااللبلاس ستيشن
واللي يجي يتقدم ويتجوذنا بعد كدا
شرط اسااااااااااااااااااااااشي:ميكونشي في فالبيت بلاي ستيشن:)
فولتا
ازيك انت يا فولتا ... مبسوطة انى ضحكتك ...
تعرف انا بعد ما قريت تعليقك رحت قريت البوست تانى وفعلا قعدت اضحك ... بس محستش انه بيضحك وانا لسة بأكتبه
انت كمان خلتنى اضحك
نبقى خالصين
حلم بيعافر
هأعتبر دى مجاملة لطيفة منك
انا فعلا شاركته اللعب لفترة تصل لسنة ولسى بألعب برضه لكن فى أوقات الفراغ مش اسيب اللى ورايا واللى قدامى واقعد العب
عادل
بس يعنى مش ننسى نتواصل مع اللى حوالينا بالشكل دة ولا هو كلكوا كدة ولا ايه؟
:)))
سونى
ايوة يا فكرة جنان وحلوة موت
احنا نكون تنظيم ارهابى سرى لمحاربة البلاى ستيشن
لعنه الله على هذا الجهاز ذو الجاكات
انتوا عندكوا حاله صعبه ومستعصيه بجد
الله يعينك يا مودام
ممممممممممم اكيد 58 ده التخن بعينه
والخطوط السودا دى دليل العجز
الموضوع ده اكيد كلو كوميديا
الافلام العربى اللى شوفتها فى حياتى
كلها الراجل بيعمل فيها كوبايات شاى ويجيب حبوب خمرا وخضرا ويحطها فى الشاى
بس لو عملتى انتى كده كانو بيلعب بلاى ستيشن بالضبط
والميزه انو من كتر ما بيلعب بقى لماح
فخد باله ونفض باين
اعتبرك اسطوانه مخلصها
ممممممممممممم
عاجبنى التعبير ده بس ربنا يستر
لو معتبركم اسطوانه خلصها
ده مش هيبقى كويس
انتى حالتك تجيب الغم
بس عندى حل كويس جدا جدا
بس معرفش خطر ولا لا
علمى اولادك البلاى ستيشن
بجد
خلى بناتك يقعدوا عليه هما بداله
ولا ايه كمان بقى
زى ما فولتا قال فرق تسد
بس فى الوقت ده
متخبيش
تضيعى الحاجه
وقولى كان فيه تنضيف
وممكن بقى الحل الامثل
تفتحى البلاى ستيشن
وتدلقى فيه شويه ميه
وانا متاكد انو مش هيشتغل تانى
واخيرا انا عارف انك مش عاوزه حلول
انتى بتفضفضى
تحذير اخير
لو حدث جهاز البلاى ستيشن
اعرفى ان الطلدق سيد الموقف
لان البتاع غالى جدا
والاسطوانه ب 500 جنيه
فغالبا كده هيبيع اللى وراه كلو عشان يجيب سكور
مممممممممممممممممممم
بس اشمعنى يعنى انا ابويا مبيسبنيش اجيب اسكور وبينيمنى بدرى
اهئ اهئ
حل اخير غبى قوى
افصلى الكهربا او اعملى ماس بس حاسبى على نفسك
نصيحه
هاتيله فى عيد الحب اسطوانه حرب الشوارع
هيحبك قوى
ههههههههههههههههههههههههههه
صباح القشطه
The illusionist
ههههههههههههههههههههههه
ضحكت قوى قوى بعد قراءة تعليقك
فى حلول كتير انت قلتها فى تعليقك لم تفلح مع ادمان زوجى العزيز
البنات دخلوا على البلاى استيشن سخنين طبعا وهو استحملهم فقط لحد اول الشهر ولقيته داخل بواحدة جديدة للبنات مخصوص عشان يعرف يلعب براحته وهمة يلعبوا براحتهم
مرة قلتله هأكسر البتاع دة ... قالى لو لمستيه هيبقى آخر يوم بيننا
مرة ضربت بسبب الكهرباء اللى بتلعب .... نزل جاب واحدة جديدة
هههههههههههههههههههههه
وغيره وغيره كتير
ههههههههههههههه
مش عارفة أعلق بحاجة تانية لان ده اللى عملته رغم اكتئابى بس انتى بجد قدرتى تنزعى الضحكة منى:)
ربنا يسعدك ويهديهولك
بعد السلامو عليكم
أنتى كده زوجه مطحونه وبسكور عالى كمان
ياخبر أبيض
هو اللى أنا قريته ده بجد والله
ديه تبقى وقعه سوده
فى رجاله كده أزاى
بلاى ستيشن ايه وسكور ايه
أزى بعد كل اللى أنتى عملتيه ده ومخدش باله
هو بيلبس نظاره نظر
اه اكيد من كتر لعب البلاى ستيشن
والتركيز فى الشاشه علشان السكور
هههههههههههههههه
بجد والله ضحكتينى جدا
الله يكون فى عونك
بس شكلك بقاله مده قليله متجوزة
أمال لما المده تطول وبناتك ربنا يخلهملك يكبرو ويتجوزو ويسبوكم لوحدكم
وهو يطلع معاش
سؤال مهم بيطرح نفسه
ياترى سعتها سكوره هيكون عالى
ولا هتطلع لعبه جديده ويكون لسه بيتعلمها؟؟
ربنا معاكى والله
بس أكيد فيه حلول
بدل ماتروحى وتيجى قدامه
أو تقعدى على ايد الكرسى
طيب ماتقعدى فوق شاشه التلفزيون اللى بيلعب عليه
كده هيقدر يشوفك وياخد باله
بس صحيح ده انتى قولتى حاطه برفان من الغالى
وأشى كريمات بالفواكه وحاجات جامده كتير
طيب مش بيشوف وكمان مش بيشم
وبتكلميه بصوت ناعم
طيب مش بيسمع
لالالالالالالا
انا تعبت والله وأحترت
الله يكون فى عونك ياستى
أنا مستى البوست اللى جاى أكيد هتقولى عملتى ايه
شكلك هتلاقى حل صح
أكيد
والله أنا سعيد جدا بمرورى على مدونتك كلها جميله والله العظيم
أنا بقالى حوالى ساعتين يمكن أكتر عمال اتجول فى المدونه كلها حلوة وتجنن
ياريت تقبلينى صديق لمدونتك
ويكون هناك تواصل دائم مابينا
بأذن الله
تقبلى مرورى الاول وليس الاخير
تحياتى وتقديرى لزوجه مطحونه
محمد التركى
حبيبتي مذمذ
"دلع مذكرات"
انا عارفة انك بتفضفضي
وبما اني سعيدة بفضفضتك
وضحكت لما شبعت
وبما اني متأكده بعد قراءة تعليقاتك انك مش عاوزة نصيحة
لأن فعليا محدش عنده نصيحة
وبما ان البلاي استيشن ادمان وقعدة القهوة مع الصحاب ادمان وحاجات كتير الراجل ميقدرش يستغنى عنها والا يجيله تتح في نفوخه ونوديه لمستشفى التتح الدولي
بما ان كل اللي فات
يبقى نضحك ونفضفض ونعيش عادي
العمر حلو والحياة حقيقة يكاد يكون مفيهاش مشاكل الا ما يعتبر رفاهيات لناس كتير كتير تانين
فنحمد ربنا حمدا كثيرا طيبا مباركا فيه انه لما ابتلى ابتلى بالبلاي استيشن بس :))
موناليزا
نورتينى والله ورغم ان الموقف قد يكون مضحكا للبعض الا انه مؤلما للبعض الآخر
البعض الآخر اللى هو أنا طبعا
:)))))))))))))))))
محمد التركى
المدونة هى مواقف من واقع حياتى بجد
بعد انشاءها وجدت هجوم علية وعليها بلا سبب واضح من وجهة نظرى ومن وجهة نظر الآخرين انى زوجة وحشة والمفروض ما أطلعش اسرارى وأسرار زوجى وحاجات كتير مش فاكراها .... حسيت انى محبوسة فى غرفة مظلمة بعد ما توقفت عن الكتابة لولا بعض من زميلاتى المدونات ... رجعونى تانى ورجعت انفس عن غضبى من خلال المدونة وحقيقى المدونة ليها تأثير ايجابى كبير على حياتى وعلى نفسيتى وعلى علاقتى بزوجى الحبيب
بأفرح قوى لما حد بيشجنى وبحس انى لازم أكمل وأكتب يمكن يكون فى ستات تانية زيى ويمكن يكون فى ستات مش زيى ينصحونى ويمكن يكون فى ازواج يفهمونى الراجل بيفكر ازاى ويمكن ألاقى نصيحة احطها حلقة فى ودنى تظبطلى حياتى اكتر واكتر
انت شرفتنى بحضورك وتعليقك الجميل اللى يفتح النفس للكتابة كمان وكمان
ستيتة
آه والله يا ستيتة يا أوختشى .. انا بفضفض وخلاص
الستات اصلهم غلابة قوى مش فالحين غير فى الكلام ولو حتى على الصفحات الالكترونية
اهو فى الآخر كلام ابن عم حديت ولا حاجة بتتغير ولا حد بيفهم ولا الحياة بتتوقف
انتى جميلة قوى وقوية قوى ونفسى ابقى زيك ... نورتينى
كل عام وانتي بخير يا مذمذ
رمضان كريم
كل سنة وحضرتك طيبة وبألف خير وصحة وسلامة إن شاء الله
:)
رمضان كريم
كل سنة وانتى طيبة
فييييييييينك
؟
إرسال تعليق