اليوم الأربعاء - صوت المفتاح فى باب الشقة
هو : حبيبتى ... وحشتينى
أنا : ؟؟؟؟؟؟؟؟؟؟؟؟؟؟؟؟؟ وانت كمان يا حبيبى ( فى سرى مستغربة من هذا الكم من المشاعر)
دخل غير هدومه وطلع وانا واقفة فى المطبخ ... يأتينى صوته من الليفينج
هو - انا طالع رحلة صيد يوم الخميس
أنا - يوم الخميس دة بكرة مش كدة ؟ طالع فين؟
هو - لسة مش عارف .. اصلهم بعتولى رسالة على الموبايل وكل ما أكلم صاحبى اللى عامل الرحلة مابيردش
أنا - طيب لما مش بيرد عليك عرفت ازاى انك هتطلع ؟ مش يمكن المكان مايناسبكش؟
هو - انا دفعت المبلغ المطلوب للرحلة خلاص
أنا - الله دفعت كمان .. طب مقلتش ليه ؟
هو - دة انا كنت ناسى خالص والله ... اول ما افتكرت قلتلك على طول
لقيت نفسى هأدخل فى حوار أكيد آخرته خناقة وانا متغاظة لأنه مش بيقولى على حاجة دايما غير فى الآخر
ولا بياخد رأيى ولا بيعرفنى قبلها ...
دايما بياخد القرار وينفذ ودايما باكون آخر من يعلم فى كل سفرياته وتنقلاته وعزوماته اللى مش بياخدنى فيها كأنى عندى جرب وخايف على أصحابه يتعدوا منى ..
فجأة قلت له ........... أنا طالعة مارينا الحد الجاى
لقيته جاى جرى و داخل علية المطبخ بيقولى ... ايه ؟؟؟ طالعة مارينا؟؟؟ مقلتليش ليه؟
أنا - أدينى بقولك اهوه ... وبعدين انا كنت ناسية وافتكرت لما انت قلتلى انك طالع رحلة صيد .. قلت اقولك بقى يمكن تكون الرحلة فى اسكندرية ونتقابل فى الساحل الشمالى
يصمت طويلا .... هيموت ويتكلم بس مش عارف
اضحك فى سرى .... سافر هو الخميس الى الغردقة... سافرت الأحد ... جالنا الساحل يوم الثلاثاء ....
لازم اقوم اعمل الفطار وهأحكيلكوا بعدين على خناقة الساحل الشمالى
هو : حبيبتى ... وحشتينى
أنا : ؟؟؟؟؟؟؟؟؟؟؟؟؟؟؟؟؟ وانت كمان يا حبيبى ( فى سرى مستغربة من هذا الكم من المشاعر)
دخل غير هدومه وطلع وانا واقفة فى المطبخ ... يأتينى صوته من الليفينج
هو - انا طالع رحلة صيد يوم الخميس
أنا - يوم الخميس دة بكرة مش كدة ؟ طالع فين؟
هو - لسة مش عارف .. اصلهم بعتولى رسالة على الموبايل وكل ما أكلم صاحبى اللى عامل الرحلة مابيردش
أنا - طيب لما مش بيرد عليك عرفت ازاى انك هتطلع ؟ مش يمكن المكان مايناسبكش؟
هو - انا دفعت المبلغ المطلوب للرحلة خلاص
أنا - الله دفعت كمان .. طب مقلتش ليه ؟
هو - دة انا كنت ناسى خالص والله ... اول ما افتكرت قلتلك على طول
لقيت نفسى هأدخل فى حوار أكيد آخرته خناقة وانا متغاظة لأنه مش بيقولى على حاجة دايما غير فى الآخر
ولا بياخد رأيى ولا بيعرفنى قبلها ...
دايما بياخد القرار وينفذ ودايما باكون آخر من يعلم فى كل سفرياته وتنقلاته وعزوماته اللى مش بياخدنى فيها كأنى عندى جرب وخايف على أصحابه يتعدوا منى ..
فجأة قلت له ........... أنا طالعة مارينا الحد الجاى
لقيته جاى جرى و داخل علية المطبخ بيقولى ... ايه ؟؟؟ طالعة مارينا؟؟؟ مقلتليش ليه؟
أنا - أدينى بقولك اهوه ... وبعدين انا كنت ناسية وافتكرت لما انت قلتلى انك طالع رحلة صيد .. قلت اقولك بقى يمكن تكون الرحلة فى اسكندرية ونتقابل فى الساحل الشمالى
يصمت طويلا .... هيموت ويتكلم بس مش عارف
اضحك فى سرى .... سافر هو الخميس الى الغردقة... سافرت الأحد ... جالنا الساحل يوم الثلاثاء ....
لازم اقوم اعمل الفطار وهأحكيلكوا بعدين على خناقة الساحل الشمالى
هناك 6 تعليقات:
مارينا والغردقة واتقابلتو فى الساحل
الله
ههههههههه
منتظرين معركة الساحل
وكل سنة وحضرتك طيبة
ليكى وحشة وربنا :)
الله الله الله
ده الكلام هيسخن لحد السحور
بس أكيد مش هيقدر ينتظر كتير علشان يتكلم
أنا كنت منتظر بوستك الجديد بفارغ الصبر
دلوقتى شوقتينى جدا جدا جداااااااااااا
لبقيه الحكايه
بس أنا حاسس أنك هتحتوى الموقف
أكيد صح
ربنا يستر
كل سنه وأنتى بألف خير وصحه
ورمضان كريم
تحياتى لصاحبه أجمل مدونه من رأى
محمد التركى
فولتا
كل سنة وانت طيب يا فولتا
ورمضان كريم
محمد التركى
نورت المدونة وخالا هأروح أكتب بقية الحكاية
كل سنة وانت طيب ورمضان كريم
هههههههههههه انا لسه داخلة مدونة حضرتك من شوية وعاوزة اقول لحضرتك حاجه واحدة اغلب الرجالة كده بابايا وكل ازواج صاحب ماما كده مش عارفه ليه الموضوع بقي كده اوي هو الزواج ايه غير اتنين بيعيشوا مع بعض وبيعملوا كل حاجه مع بعض ازاي واحد يقرر انه يعمل حاجه لواحدة امال هو اتجوزك ليه مش علشان تعيشوا سوا علي طول وياخد رايك في كل حاجه استعجبت اوي من الموضوع ده في اكتر من بيت حتي في بيتنا بابا برضوا بطل ياخد راينا في اي حاجه ومها حولنا نقوله ان مينفعش ان واحد يقرر حاجه وينفذها من غير ؤائ بقيت الناس اللي عيشين معاه للاسف الحال بقي كده ومفيش حاجه اقدر اقولها لحضرتك غير معلش اكيد في يوم هيحس انه لازم ياخد ارئ حضرتك هههههههههه عجبتني اوي مارينا والغردقة وتتقبلوا في الساحل هههههههههههههه عجبني اوي اسللوب حضرتك في السرد وانا لما بقراء اي بوست عند حد لاول مرة مبحبش اقول رائ كده من غير ما اكون عارف صاحبة البوست بس صدقيني مقدرتش امسك نفسي ياريت مكنش دايقت حضرتك وكل سنة وحضرتك طيبة
هههههههههههه انا لسه داخلة مدونة حضرتك من شوية وعاوزة اقول لحضرتك حاجه واحدة اغلب الرجالة كده بابايا وكل ازواج صاحب ماما كده مش عارفه ليه الموضوع بقي كده اوي هو الزواج ايه غير اتنين بيعيشوا مع بعض وبيعملوا كل حاجه مع بعض ازاي واحد يقرر انه يعمل حاجه لواحدة امال هو اتجوزك ليه مش علشان تعيشوا سوا علي طول وياخد رايك في كل حاجه استعجبت اوي من الموضوع ده في اكتر من بيت حتي في بيتنا بابا برضوا بطل ياخد راينا في اي حاجه ومها حولنا نقوله ان مينفعش ان واحد يقرر حاجه وينفذها من غير ؤائ بقيت الناس اللي عيشين معاه للاسف الحال بقي كده ومفيش حاجه اقدر اقولها لحضرتك غير معلش اكيد في يوم هيحس انه لازم ياخد ارئ حضرتك هههههههههه عجبتني اوي مارينا والغردقة وتتقبلوا في الساحل هههههههههههههه عجبني اوي اسللوب حضرتك في السرد وانا لما بقراء اي بوست عند حد لاول مرة مبحبش اقول رائ كده من غير ما اكون عارف صاحبة البوست بس صدقيني مقدرتش امسك نفسي ياريت مكنش دايقت حضرتك وكل سنة وحضرتك طيبة
إرسال تعليق